Erion Braçe dhe fenomeni “mushkonjë" në politikë

3 Prill 2026, 13:49, Aktualitet CNA

Erion Braçe dhe fenomeni “mushkonjë" në

Deputeti socialist, Erion Braçe, ka shpallur kandidaturën e tij për Bashkinë e Tiranës. Braçe është i pari nga socialistët që ka dalë dhe ka kundërshtuar kandidaturën e Ogerta Manastirliut për Bashkinë e Tiranës dhe u vetëshpall kandidat. Ndoshta Braçe ka të drejtë, pasi mund të ketë një kandidat tjetër Partia Socialiste.

Erion Braçe vetëofrohet si kandidat për Bashkinë e Tiranës
29 Mars, 14:19

Ndoshta socialistët shpresojnë dhe që të dalë Erion Veliaj nga burgu. Por diçka është pak po e sigurt, Erion Veliaj nuk mund të kandidojë më për Bashkinë e Tiranës, sepse ka qenë tri mandate në krye të bashkisë dhe ka një pengesë të qartë ligjore.

Sa i përket Erion Braçes, në intervistën e dhënë më 2 prill në "Top Channel" ka thënë se nuk e kundërshton kandidimin e Ogerta Manastirliut dhe nga ana tjetër del dhe thotë se është ai pretendent për Bashkinë e Tiranës.

“Unë jam socialist. Nëse nga ky proces del një kandidat tjetër, patjetër që duhet të jetë ai/ajo që përfaqëson PS-në, siç është rasti i Manastirliut”, ka thënë Braçe në intervistën e 2 prillit.

Se çfarë menaxheri është Erion Braçe dhe se çfarë punësh bën ai u pa kur kishte detyrën e zëvendëskryeministrit dhe e përzuri Rama “me shqelma”. Të lësh Bashkinë e Tiranës në dorë të Erion Braçes është njësoj si t’i varësh ujkut “mëlçitë në qafë”, “mëlçi” që u shpëtuan nga çakalli që iku nga detyra.

Deklaratat e Erion Braçes janë kontradiktore. Njëherë del dhe vetëshpallet kandidat duke thënë se është i duhuri, pastaj shprehet se po të mos jetë ai kandidati, emri i duhur është Ogerta Manastirliu. Pyetja që lind pas kësaj është pse po i trazon ujërat në PS, Erion Braçe?

Çfarë kërkon të fitojë Braçe, nga kjo “gjullurdi” që po bën brenda PS-së? Kërkon të marrë mandat tjetër në zgjedhjet e ardhshme parlamentare? Apo kërkon të faktorizohet brenda Partisë Socialiste? Kandidimi i Erion Braçes për Bashkinë e Tiranës do t’i bënte nderin e pashembull opozitës, pasi përballë tij do ta kishin më të lehtë fitoren.

Intervista e 2 prillit e Erion Braçes ishte e paqartë, kaotike dhe me sulme ndaj kryebashkiakut aktual të Tiranës, Erion Veliaj, i arrestuar për 5 vepra të rënda penale. Braçe tha se aktualisht kryeqyteti ka një problem shumë të madh, pasi as nuk vetëqeveriset dhe as nuk qeveriset dhe ai kërkon një standard të ri në qytet.

“Tirana ka një problem shumë të madh nuk vetëqeveriset dhe as nuk qeveriset”, tha Braçe.

"Kërkoj standard të ri"/ Braçe: Tirana ka një problem shumë të madh, nuk qeveriset
2 Prill, 22:51

Ndoshta Erion Braçes i mungon dhe faktorizimi brenda PS-së apo në politikë dhe është rikthyer “në lojë” duke përfaësuar atë që quhet fenomeni i "mushkonjës" në politikë. Deputeti Braçe është jetëgjatë në jetën parlamentare, por si shembull i fenomenit "mushkonjë" në politikë po shfaqet vetëm kohët e fundit.

Fenomen të cilin e vë në zbatim për të pasur vëmendje dhe faktorizim. Qëllimi i gjithë kësaj nga Braçe është vetëm një, zgjedhjet e ardhshme parlamentare./CNA