web counter
LEXO PA REKLAMA!

SHKARKO APP

App Store
Google Play

Në fokus bashkëpunimi institucional/ Kreu i SPAK-ut, takim me ministrin Gogu

3 Prill 2026, 09:29, Aktualitet CNA

Në fokus bashkëpunimi institucional/ Kreu i SPAK-ut, takim me

Ministri i Drejtësisë, Toni Gogu, ka zhvilluar një takim me kreun e SPAK-ut, Klodian Braho.

Takimi është njoftuar nga ministri Gogu, i cili tha se në fokus ka qenë bashkëpunimi ndërinstitucional në disa drejtime.

Me anë të një njoftimi në rrjetet sociale, Gogu shkruan se bashkëpunimi mes SPAK-ut dhe Ministrisë së Drejtësisë do të fokusohet në përmirësimin e kuadrit ligjor, forcimi i kapaciteteve apo efikasiteti i sistemit të koordinimit.

 

 

Postimi i Gogut

 

Dje zhvillova një takim institucional me drejtuesin e SPAK, z. Klodjan Braho në kuadër të përgjegjësive të Ministrisë së Drejtësisë për funksionimin e sistemit të drejtësisë. Bashkëpunimi ndërinstitucional do të zhvillohet në këto drejtime:

përmirësimin e kuadrit ligjor, duke adresuar boshllëqet ekzistuese në lidhje me statusin e prokurorëve, kompetencat proceduriale dhe bashkëpunimin ndërkombëtar

forcimin e kapaciteteve institucionale dhe mbështetjen infrastrukturore

rritjen e efikasitetit të sistemit dhe koordinimit në nivel politikash publike

konsolidimin e standardeve dhe praktikave që garantojnë siguri juridike dhe besim publik.

SPAK mbetet një institucion kyç në luftën kundër krimit të organizuar dhe korrupsionit, si dhe në konsolidimin e shtetit të së drejtës dhe avancimin e procesit të integrimit europian të vendit.

Bashkëpunimi ynë mbështetet në respektimin e plotë të ndarjes së pushteteve dhe të pavarësisë së institucioneve.





Lajmet e fundit nga