web counter
LEXO PA REKLAMA!

SHKARKO APP

App Store
Google Play

Forcohet bashkëpunimi me SHBA-në për sigurinë kufitare/ VanHorn, vizitë në aeroportin e Rinasit

2 Prill 2026, 09:38, Aktualitet CNA

E Ngarkuara me Punë e Shteteve të Bashkuara në Shqipëri, Nancy VanHorn, ka zhvilluar një vizitë në aeroportin e Rinasit, ku u njoh nga afër me investimet më të fundit në fushën e sigurisë.

Gjatë vizitës, përfaqësues të Grupit Kastrati, nën drejtimin e sipërmarrësit Shefqet Kastrati, prezantuan pajisjet e reja të kontrollit të sigurisë të prodhuara në Shtetet e Bashkuara të Amerikës.

Në njoftimin e ambasadës amerikane në Tiranë thuhet se në fokus të takimit ishte rëndësia e bashkëpunimit me ofrues të besueshëm të teknologjisë amerikane, i cili po ndihmon kompanitë shqiptare të modernizojnë infrastrukturën e sigurisë dhe të forcojnë mbrojtjen kufitare.

Ky partneritet shihet si një hap i rëndësishëm drejt përmbushjes së standardeve ndërkombëtare dhe rritjes së besimit në sistemet e sigurisë në vend.

Zyrtarët theksuan se investime të tilla jo vetëm që rrisin efikasitetin operacional, por gjithashtu kontribuojnë në sigurinë kombëtare dhe në zhvillimin e mëtejshëm të sektorit të transportit ajror në Shqipëri. /CNA





Lajmet e fundit nga