web counter
LEXO PA REKLAMA!

SHKARKO APP

App Store
Google Play

E fundit!

x

Mbledhja e qeverisë/ Demo: Është miratuar rregullorja për përdorimin e hapësirave publike

1 Prill 2026, 13:34, Aktualitet CNA

Mbledhja e qeverisë/ Demo: Është miratuar rregullorja për

Ministri i Shtetit për Pushtetin Vendor, Ervin Demo, ka ndarë pas mbledhjes së qeverisë disa nga vendimet e marra.

Demo u shpreh se në mbledhje është miratuar rregullorja për përdorimin e hapësirave publike. Gjithashtu është shprehur se katër bashki të reja kanë caktuar zonat prioritare sa i përket “Paketës së Maleve”.

"Kemi miratuar rregulloren për përdorimin e hapësirave publike. Rregullorja do të sjellë risi sa i përket një unifikimi të të gjitha praktikave në nivel kombetar. Do të kemi rregulla të qarta për sa i përket mënyrës se si mund të përdoren hapësirat publike, bashkitë janë në të njëjtin shtrat për sa i përket sistemit rregullativ. Bashkitë kanë qenë pjesë e miratimit të kësaj rregulloreje. Kjo do të krijojë plotësisht një platformë të re sa i përket menaxhimit të hapësirave publike në territor. Kemi pasur 4 bashki të reja sa u përket zonave prioritare për 'Paketën e Maleve'", u shpreh ai.

Ministri foli edhe lidhur me variantet e mazhorancës për ndarjen e re territoriale. Demo tha se ende nuk ka një qëndrim nga Grupi Parlamentar i PS-së, por vetëm janë analizuar modele të ndryshme.

“Në mbledhjen e grupit janë diskutuar modele të ndryshme, por nuk ka ende një qëndrim. Ne duhet të ecim përpara me procesin dhe është normale që po analizojmë modele të ndryshme në tërritor që janë aplikuar në vende të ndryshme. Nuk ka një qëndrim, por janë diskutuar në parim disa prej kolonave kryesore ku kjo reformë duhet të mbështetet”, tha Demo. /CNA





Lajmet e fundit nga