web counter
LEXO PA REKLAMA!

SHKARKO APP

App Store
Google Play

E fundit!

x

Seanca në GJKKO/ Prokurori Dado: Veliaj dhe avokati i tij, strategji për shtyrjen e procesit

1 Prill 2026, 10:24, Aktualitet CNA

Seanca në GJKKO/ Prokurori Dado: Veliaj dhe avokati i tij, strategji

Seanca e gjykimit në themel të kryebashkiakut të arrestuar të Tiranës, Erion Veliaj, bashkëshortes së tij, Ajola Xoxës dhe 28 personave të tjerë, është shtyrë sërish.

Seanca është shoqëruar me debate, lidhur me vijimin e procesit të gjykimit. Avokati i të pandehurit Fatmir Bektashi, Sokol Hazizaj, ka kërkuar të ndahet çështja.

“Kërkoj të ndahet çështja pasi nuk mund të vazhdohet më në këtë mënyrë”, është shprehur avokati.

Ndërkohë, prokurori i Posaçëm, Ols Dado, është shprehur se Veliaj dhe avokati i tij po bëjnë strategji për shtyrjen e procesit. Gjithashtu ai e ka cilësuar kërkesën e Hazizajt si të pabazuar në ligj.

“Është strategji për të shtyrë procesin, kemi 8 muaj që s’po arrijmë dot të futemi në proces. Është sjellja e Erion Veliajt dhe avokatit të tij. Kërkesën për ndarje të çështjes ndaj Fatmir Bektashit që kërkon avokati Sokol Hazizaj, e shikojmë të pabazuar në ligj”, raportohet se është shprehur Dado. /CNA





Lajmet e fundit nga