web counter
LEXO PA REKLAMA!

SHKARKO APP

App Store
Google Play

E fundit!

x

"Miksonte botën e krimit me shërbimin sekret"/ Gazetari: Anëtari i Gardës Revolucionare lidhje të forta me grupet e Shijakut

2 Prill 2026, 22:40, Aktualitet CNA

"Miksonte botën e krimit me shërbimin sekret"/ Gazetari:

Gazetari Artan Hoxha i ftuar në emisionin “Opinion” ka folur për rrezikun iranian në Shqipëri. Hoxha tha se në vendin tonë ka pasur akte konkrete ku Garda Revolucionare e Iranit është përpjekur të krijojë situata në favor të saj. Sipas gazetarit një anëtar i IRGC-së kishte vepruar në Shqipëri duke përdorur dhe lidhjet e trafikut të heroinës.

Hoxha bëri me dije se një anëtar i njësisë Kuds të IRGC-së është kapur në vitin 2011 në Shqipëri dhe rezultoi të kishte lidhje të forta me grupet e Shijakut dhe të Tiranës.

Gazetari tha se duke qenë një nga degët më të rëndësishme të trafikut të heroinës, Irani e përdori këtë dhe për të hyrë në Shqipëri dhe të krijonte lidhje të forta me grupet vendase.

Sa i përket anëtarit të Gardës Revolucionare Iraniane të arrestuar në Shqipëri, Hoxha deklaroi se ishte një nga personazhet më të rëndësishme që lidhte botën e krimit me shërbimin sekret iranian.

 

“Në Shqipëri kanë ndodhur akte konkrete, të cilat shërbimet e spiunazhit, dhe shërbimet e Gardës Revolucionare janë përpjekur që të krijojnë në Shqipëri situata në favor të tyre. Kishte në krye të saj një pjesëtar të njësisë Kuds të Gardës Revolucionare në Iran dhe në Shqipëri kishte operuar në një mënyrë shumë të çuditshme, duke përdorur edhe këto lidhjet kulturore, por edhe lidhjet e trafikut të heroinës. Dhe njëri nga pjesëtarët e kësaj njësie ishte kapur në Shqipëri që në 2011, dhe kishte lidhje shumë të forta me grupet e Shijakut, me grupet e Tiranës. Irani dihet që është një nga degët më të rëndësishme të trafikut të heroinës. Dhe ata duke e përdorur këtë degëzim, u futën në Shqipëri dhe kishin shumë lidhje të forta. Ky person, ne kur e ripamë, sepse ai u largua, kur u zbulua celula e Kudsit, ishte një nga personazhet më të rëndësishme që miksonte botën e krimit shqiptar, me interesat e shërbimit sekret iranian”, tha Hoxha./CNA





Lajmet e fundit nga