E fundit!

09:23 Aktualitet

Shqipëria avancon në negociatat me BE-në, sot hap i ri drejt integrimit europian

Shqipëria shënon një tjetër moment të rëndësishëm në rrugë...

Interpelanca/ Lamallari: Policia e Shtetit në fazë transformimi, ka abuzime dhe shkelje

2 Prill 2026, 11:19, Aktualitet CNA

Interpelanca/ Lamallari: Policia e Shtetit në fazë transformimi, ka

Në Kuvend po zhvillohet interpelanca e kërkuar nga opozita me ministrin e Brendshëm, Besfort Lamallarin, për emërimet në polici.

Deputeti i PD-së, Klevis Balliu, u shpreh gjatë fjalës së tij, se eksponentët e Policisë së Shtetit janë të ekspozuar ndaj korrupsionit. Ndër të tjera e cilësoi fakt inkriminimin e policisë.

Nga ana tjetër, ministri Besfort Lamallari u shpreh se në radhët e Policisë së Shtetit ka probleme dhe shkelje e abuzime, ndërsa deklaroi se ende është në proces transformimi.

Lidhur me Agjencinë e Mbikëqyrjes Policore, ministri tha se ka 336 referime penale për shkelje brenda strukturave të policisë dhe agjencive të tjera.

“Duhet të jemi të kujdesshëm me deklaratat dhe akuzat ndaj uniformës së policisë. Nuk do të thotë se nuk ka probleme, po, ka probleme. Ka shkelje dhe abuzime, ka nga ata që e kanë tradhtuar uniformën. KE ka evidentuar qartë se policia e Shtetit ka hyrë në fazë të transformimit të thellë. Komisioni në 2025 citon; Shqipëria ka shënuar progres të qëndrueshëm në luftën kundër korrupsionit. Në fund të ditës, ndarja e informacionit në kohë reale, me agjenci të tjera ligjzbatuese, ka shumë rëndësi për ne. Indeksi global i krimit të organizuar e paraqet Shqipërinë me rezistencë dhe kapacitete luftuese. Kapacitetet janë në rritje dhe ka rezistencë ndaj paligjshmërisë, përballë krimit të organizuar. Porosia ime e parë e drejtuesit të agjencisë ka qenë që të verifikohen të gjithë trupat e policisë, sidomos forca drejtuese. Janë 336 referime penale për shkelje brenda strukturave të policisë dhe agjencive të tjera. Kjo tregon se si funksion agjencia. Kemi 444 punonjës të strukturave të referuara”, tha Lamallari.

Në fund të fjalës së tij, ministri Lamallari foli për emërimin e Skënder Hitës në krye të Policisë së Përgjithshme. Ai tha se Hita është një person që e njeh mirë policinë dhe se është i duhuri për atë detyrë. /CNA