web counter
LEXO PA REKLAMA!

SHKARKO APP

App Store
Google Play

Elisa Spiropali, si opozita: Parlamenti në krizë

3 Prill 2026, 12:29, Aktualitet CNA

Elisa Spiropali, si opozita: Parlamenti në krizë

Ish-ministrja Elisa Spiropali, e cila ka nisur të shprehë pakënaqësitë ndaj qeverisjes, mban të njëjtin qëndrim me opozitën lidhur me krizën parlamentare.

Në një reagim në rrjetet sociale, Spiropali gati më të njëjtat fjalë të deputetëve të opozitës, shprehet se Parlamenti nuk po arrin të ushtrojë rolin e tij dhe se po dështon të prodhojë politikë.

Postimi i plotë:

Kriza e Parlamentit është kriza e Republikës Parlamentare.

Dje në Parlament nuk pamë vetëm tension. Pamë një mekanizëm që po dështon të prodhojë politikë.

Kjo që po ndodh në Parlament nuk është diçka e panjohur për politikën. Konflikti ka qenë gjithmonë pjesë e saj. Por sot problemi nuk është konflikti në vetvete. Problemi është se konflikti banal po zëvendëson funksionin.

Parlamenti nuk po arrin më të ushtrojë rolin e tij përfaqësues dhe kontrollues. Në vend që të jetë hapësira ku përfaqësohen interesat e shoqërisë dhe ku kontrollohet qeverisja dhe institucionet, ai po kthehet në një arenë ku energjia po shpërdorohet pa prodhuar drejtim.

Kur funksioni atrofizohet, pasoja e parë është bjerrja e besimit. Dhe kur bie besimi, nuk dobësohet vetëm Parlamenti, por vetë ideja e Republikës Parlamentare.

Sepse një Republikë Parlamentare nuk mbahet vetëm me procedura. Mbahet me funksion. Me debat që prodhon kuptim. Me kontroll që prodhon përgjegjësi.

Nëse kjo vazhdon, rreziku nuk është thjesht një Parlament i dobët. Rreziku është që Republika

Parlamentare të mbetet vetëm formë, dhe jo përmbajtje.

Europa kërkon nga ne atë që duhet të kërkojmë nga vetja: institucione që funksionojnë, jo vetëm që ekzistojnë. /CNA





Lajmet e fundit nga