web counter
LEXO PA REKLAMA!

SHKARKO APP

App Store
Google Play

"Flotë për pastrimin e kanaleve"/ Rama në takimin me kryebashkiakët: Do të prodhojmë mjete zjarrfikëse

3 Prill 2026, 15:11, Aktualitet CNA

"Flotë për pastrimin e kanaleve"/ Rama në takimin me

Kryeministri Edi Rama, në takimin me kryetarët socialistë të bashkive, është shprehur se në muajt në vijim do të vihet në dispozicion një flotë automjetesh për të lehtësuar ujitjen dhe pasojat e përmbytjeve.

“Një flotë e re automjetesh që ndihmon me pastrimin e kanaleve dhe punën e domosdoshme parapërgatitore për sezonet e mëtejshme që të lehtësohen qoftë proceset e ujitjes, qoftë pasojat që vijnë nga përmbytjet. Është një projekt që do ta realizojmë në muajt në vijim me një mbështetje domethënëse financiare nga Emiratet e Bashkuara dhe në bazë të disa kritereve të thjeshta do të bëhet edhe alokimi i kësaj flote në territor duke i kaluar në përdorim të bashkive”, tha Rama.

Ndër të tjera, kreu i qeverisë u shpreh se do të nisë edhe prodhimi i mjeteve zjarrfikëse që do të vihen në dispozicion të bashkive.

“Jemi të vetëdijshëm për mangësitë e trashëguara në logjistikën që lidhet me zjarrfikësit. Për këtë arsye kemi miratuar një projekt të paraqitur nga ministri i pushtetit vendor lidhur me mobilizimin e një financimi të nevojshëm duke shfrytëzuar kapacitetet e kompanisë që është një shoqëri e përbashkët shtetërore dhe private e krijuar rishtazi në sistemin tonë të Ministrisë së Mbrojtjes. Do të nisim të vëmë në dispozicion të bashkive automjetet zjarrfikëse që janë të domosdoshme”, tha Rama. /CNA





Lajmet e fundit nga