web counter
LEXO PA REKLAMA!

SHKARKO APP

E fundit!

x

Një ditë para protestës për gjuhën shqipe/ Ambasadori shqiptar në Shkup ndan mesazhin

5 Prill 2026, 16:29, Aktualitet CNA

Një ditë para protestës për gjuhën shqipe/ Ambasadori

Studentët shqiptarë do të zhvillojnë ditën e nesërme në Shkup një protestë për dhënien e provimit të jurisprudencës në gjuhën shqipe.

Çështja e dhënies së provimit të jurisprudencës në gjuhën shqipe u hap pasi në fillim të shkurtit mbi 385 studentë shqiptarë të fakulteteve juridike në vend dorëzuan një peticion në Ministrinë e Drejtësisë.

Sipas mediave vendase, arsyetimi i tij ishte se njohja e gjuhës maqedonase është kusht për t’u bërë gjykatës, prokuror, avokat, noter apo përmbarues, ndërsa ky kusht verifikohet nëpërmjet dhënies së provimit të jurisprudencës në maqedonisht

Ndërkohë një ditë para protestës, ambasadori i Shqipërisë në Maqedoninë e Veriut, Denion Meidani ka ndarë një mesazh në rrjete sociale.

Diplomati shqiptar ka shpërndarë një thënie të James Freeman Clarkem që thotë: “Një politikan mendon për zgjedhjet e ardhshme. Një burrë shteti mendon për brezin e ardhshëm”.

Një ditë para protestës për gjuhën shqipe/ Ambasadori

 

Postimi i diplomatit shihet si një reagim ndaj qëndrimit të kryeministrit Hristijan Mickoski. Ky i fundit, pas një peticioni të firmosur nga 380 studentë, fillimisht deklaroi se “studentët kanë të drejtë”, por vetëm një ditë më vonë ndryshoi qëndrim duke theksuar se “ligji nuk e lejon një gjë të tillë”. /CNA





Lajmet e fundit nga