230 ditë nga gënjeshtra dhe mashtrimi publik i Erion Veliajt dhe Mero Bazes

4 Prill 2026, 14:51, Aktualitet CNA

230 ditë nga gënjeshtra dhe mashtrimi publik i Erion Veliajt dhe Mero

Ditën e sotme bëhen plot 230 ditë nga gënjeshtra dhe mashtrimi publik i kryebashkiakut të arrestuar të Tiranës, Erion Veliajt dhe ushtarit të tij mediatik, Mero Baze, mbi pretendimet dhe akuzat ndaj prokurorit Ols Dado.

Ndonëse kanë kaluar 230 ditë, as Veliaj dhe as gazetari i familjes së tij, Mero Baze nuk kanë publikuar asnjë fakt apo dokument që vërteton pretendimet për prokurorin Ols Dado, i cili sipas tyre ka kërkuar shtesë mbi lejen e ndërtimit dhe meqë ka marrë refuzimin e pretenduar nga Veliaj ka nisur hetimet ndaj kryebashkiakut.

Prej 230 ditësh, CNA ka kërkuar vazhdimisht që Mero Baze dhe Erion Veliaj të publikojnë dokumentin me firmën e Ols Dados për shtesë mbi lejen e ndërtimit dhe refuzimin me firmën e kryebashkiakut për këtë leje.

(Por dokumenti nuk ekziston, njësoj si inceneratori i Tiranës)

Ashtu siç e kemi theksuar edhe më herët, këto pretendime dhe akuza nuk janë asgjë tjetër përveç se një sulm ndaj drejtësisë. Veliaj, ndaj të cilit rëndojnë 13 akuza për 5 vepra të rënda penale, pretendon konflikt interesi dhe prej më shumë se 7 muajsh nuk nxjerr asnjë dokument.

Ndërkohë, është i pandehur dhe i hetuar nga prokurori Ols Dado dhe e sulmon me padi administrative, se nuk ka mbaruar magjistraturën, kur gjyma e prokurorëve, ndoshta edhe më tepër se kaq nuk janë magjistratë.

Zdromsi gënjen publikisht për Ols Dadon, i cili ka kaluar procesin e vettingut dhe është bërë pjesë e Prokurorisë së Posaçme. Ndërsa nga ana tjetër vetë Veliaj, në hetimet e para që ju bënë ju ngritën jo më pak se 13 akuza të rënda penale.

Më poshtë po sjellim pretendimet e Erion Veliajt dhe Mero Bazes:

Pretendimet e Veliajt

Në pikën 135, Veliaj thotë se prokurori Ols Dado ka marrë një leje ndërtimi në Bashkinë e Tiranës dhe pastaj ka kërkuar një shtesë mbi atë me leje dhe kjo i është refuzuar.

230 ditë nga gënjeshtra dhe mashtrimi publik i Erion Veliajt dhe Mero

Ndërsa në pikën 136 të dokumentit pa vulë dhe pa firmë, Erioni e trajton këtë si një çështje “hakmarrjeje” nga ana e prokurorit Ols Dado, sepse, sipas tij, nuk i është dhënë leja e ndërtimit për shtesën pasi ka bërë një kërkesë.

230 ditë nga gënjeshtra dhe mashtrimi publik i Erion Veliajt dhe Mero

Pse nuk e nxjerr Veliaj dokumentin me firmën e Ols Dados dhe refuzimin me firmën e tij?

Pretendimi i Mero Bazes

Mero Baze thotë se, sipas tij, hetimi ndaj Veliajt është i kërkuar me ngulm nga një prokuror, i cili muaj më parë ka pasur konflikt personal me të, lidhur me kërkesat e tij për një leje ndërtimi jashtë kritereve ligjore që kishte bashkia.

230 ditë nga gënjeshtra dhe mashtrimi publik i Erion Veliajt dhe Mero

Pse nuk e vërteton Mero Baze te "Tema" e Veliajt? Pse nuk e publikon dokumentin me firmën e Ols Dados dhe refuzimin me firmë të Erion Veliajt?

Këto janë gënjeshtrat e thëna nga Veliaj dhe gazetari i familjes së tij Mero Baze në 230 ditë. E ndërsa e vërteta është një dhe e vetme, që Erion Veliaj ka konsumuar veprat e rënda penale: korrupsion, shpërdorim detyre, pastrim të produkteve penale, futjen e sendeve të ndaluara në qeli dhe fshehje pasurie.

Veliaj edhe pse ndodhet përballë akuzave dhe fakteve, ka frikë të përballet me drejtësinë dhe po vijon prej disa muajsh me taktikën e shtyrjeve të seancave gjyqësore. /CNA