E fundit!

14:30 Aktualitet

Nga njohja me Laert Haxhiun te shpërthimi në lokalin e Noizyt/ Zbardhet dëshmia e Cllevio-s në GJKKO

Reperi Kleviol Ahmeti i njohur si “Cllevio” është paraqitu...

“Qahet” Braçe: Nuk më morën në takimin te njësia 5

5 Prill 2026, 20:49, Aktualitet CNA

“Qahet” Braçe: Nuk më morën në takimin te

Deputeti socialist Erion Braçe, i cili pak ditë më parë u vetëofrua si kandidat për bashkinë Tiranë, ka bërë një postim ku ka shprehur pakënaqësinë për mungesën e tij në një takim në njësinë nr5, ku shprehet se e njeh mirë atë komunitet.

Në vazhdën e rolit të “kritikut” të qeverisë dhe partisë në pushtet, pjesë e së cilës është dhe vetë, Braçe është shprehur kundër delegimeve nga një zonë në tjetrën apo lëvizjes së deputetëve, për shkak se sipas tij dëmton marrëdhënënien me njerëzit.

Ndër të tjera, ai shton se se nuk është kundër kandidaturës së Ogerta Manastirliut për kryeqytetin, por ai kërkon t’i japë Tiranës që sipas tij nuk po qeveriset "një alternativë tjetër”.

Postimi i plotë:

NISUR NGA #5

JAVA E MIRË E #PASHKËS DHE HUDHRA QË NUK DUHET!

Ishte realisht një javë e mirë; mbyllet sot dhe dua t’i them disa fjalë;

Shumë faleminderit edhe një herë për gjithë mesazhet, telefonatat-perkrahjen, mbështetjen, vlerësimet, gadishmërinë për të punuar bashkë;
Shumë faleminderit posaçërisht socialistëve të asambleve të PS me të cilët u takova e shtrëngova duart këtë javë;

Ju jam shumë mirënjohës!

Faleminderit gjithashtu për urimet e ditës së lindjes edhe pse kam kohë që kujtoj ngjarjet e jetuara në një vit më shumë se sa numrat!

Urimet për PASHKË i kemi bashkë e kjo javë, me BAJRAMIN që i parapriu, PASHKËN ORTODOKSE që pason, është përshkrimi prej zotit i asaj që jemi në një dimension;

Kështu që GËZUAR kujtdo!

TANI HUDHRA E JAVËS!;

Një histori e parë që përsëritet e më ndjek nga mbrapa nga Lushnja e Divjaka; një histori deliri dhe e padenjë, tërësisht jo produktive e që kërkon të ndërtojë madhështinë qesharake, gjithnjë duke më ndjekur pas.

Shikoni;

Kjo mania për të shkulur deputetin nga zona-me arsyen se krijon lidhje njerëzore e mezi shkulet pastaj, është gabim;

Jo për deputetin, por për njerëzit! Paqëndrueshmëria në marrëdhënie me ta, është mungesë serioziteti dhe dëmton punën. POLITIKA ËSHTË PUNË ME NJERËZIT, MARRËDHËNIE BESIMI QË NUK VENDOSET ME ORË, AS DITË POR MERR VITE! Po flas për deputetët që territorin e kanë punë, as ofiq, as mburrje, as delegim për njerëz pa mandat, pa njohje, pa dije e pa ndikim kund!

Thënë kjo, të zëvendësosh deputetin e votuar nga njerëzit me drejtorokracinë, është e pamend, sado elegant të jetë emri që i vëmë; tërësisht e pamend në raport me qëllimet që ke, veçanërisht kur delegon pushtet partiak tek ta, për të kapërcyer deputetin; veçanërisht kur harron që një arsye pse punëtorë partie demotivohen është drejtorokracia e padurueshme.

Në fund, kjo paranoja “ERIONIN e kemi kundër”, pasuar me këtë “markimin” që kurrë s’ju bë karburanteve-fjala bie, por njerëzve ju bëhet, është qesharake, sinqerisht!

Ua thashë edhe në Asamblenë e 5 ses-nuk jam kundër Ogertës; thjesht dua t’i jam PS dhe QYTETIT që nuk po qeveriset e nuk shërben, një ALTERNATIVË tjetër;

Më thjeshtë se kaq nuk ka! /CNA