web counter
LEXO PA REKLAMA!

SHKARKO APP

App Store
Google Play

Qeveria merr vendimin/ “TikTok”-u do të bllokohet në Shqipëri

21 Dhjetor 2024, 13:33, Aktualitet CNA
Qeveria merr vendimin/ “TikTok”-u do të bllokohet në
Foto ilustruese

Qeveria do të bllokojë platformën sociale “TikTok”.

Lajmin e bëri të ditur ministrja e Arsimit, Ogerta Manastirliu, në takimin përmbyllës me prindër dhe mësuar.

Manastirliu tha se kjo masë do të merret për shkak të sigurisë.

Ajo deklaroi se mbi 80% e prindërve kërkojnë kufizimin e rrjeteve sociale.

“Në një kohë kur sfidat teknologjike janë të pashmangshme, siguria fizike dhe digjitale është prioritet. Për rritjen e kësaj sigurie kemi vendosur bllokimin e platformës TikTok, bazuar në një paketë instrumentash që po punohet nga AKCESK dhe AKSHI. Po ashtu, do të vendosim kamera inteligjente përmes projektit ‘Smart City’, duke siguruar një monitorim më efektiv brenda shkollave dhe perimetrit të tyre. Në dy vitet e ardhshme do të dyfishojmë numrin e oficerëve të sigurisë, duke arritur në 500, dhe do të ngremë një strukturë të dedikuar brenda drejtorive arsimore për të koordinuar detyrat e oficerëve të sigurisë dhe bashkëpunimin me njësitë lokale të mbrojtjes së fëmijëve”, theksoi ministrja./ CNA





Lajmet e fundit nga