web counter
LEXO PA REKLAMA!

SHKARKO APP

App Store
Google Play

E fundit!

x

Përgjimet e Sky Ecc/ "Kushtetuesja" përfundon shqyrtimin e ankimimit të Gjokës

19 Dhjetor 2024, 19:37, Aktualitet CNA

Përgjimet e Sky Ecc/ "Kushtetuesja" përfundon shqyrtimin e

Gjykata Kushtetuese ka përfunduar shqyrtimin dhe është tërhequr për marrjen e vendimit për ankimimin e biznesmenit Pëllumb Gjoka, i cili ka kërkuar shpalljen si të pavlefshme të bisedave në SkyEcc.

Gjykata Kushtetuese njoftoi se, ka zhvilluar seancën gjyqësore të çështjes me kërkues Pëllumb Gjoka dhe objekt shfuqizimin e vendimeve të Gjykatës së Posaçme të Shkallës së Parë për Korrupsionin dhe Krimin e Organizuar; të Gjykatës së Posaçme të Shkallës së Parë për Korrupsionin dhe Krimin e Organizuar; të Gjykatës së Posaçme të Apelit për Korrupsionin dhe Krimin e Organizuar, të Kolegjit Penal të Gjykatës së Lartë, si të papajtueshëm me Kushtetutën e Republikës së Shqipërisë, për pjesën që kanë disponuar për caktimin dhe vazhdimin e masës së sigurimit personal “Arresti në burg” ndaj kërkuesit.

Gjoka kërkoi shfuqizimin e shkronjave “a” dhe “b” të pikës 1 dhe i pikës 4 të nenit 6, si dhe i pikës 2 të nenit 42 të ligjit nr. 95/2016, datë 06.10.2016 “Për organizimin dhe funksionimin e institucioneve për të luftuar korrupsionin dhe krimin e organizuar”, të ndryshuar, si të papajtueshme me Kushtetutën e Republikës Shqipërisë, për shkak se cenojnë pavarësinë dhe paanësinë e gjykatësve të posaçëm”.

Gjykata bëri të ditur se, “shqyrtoi ankimin kushtetues individual, kërkesat dhe aktet e tjera të paraqitura nga kërkuesi, prapësimet e subjekteve të interesuara dhe aktet e paraqitura prej tyre dhe pasi administroi të gjitha provat e paraqitura nga palët, mbylli shqyrtimin gjyqësor dhe u tërhoq për marrjen e vendimit”.

Gjykata Kushtetuese njofton se, “vendimi do t’u komunikohet palëve sipas rregullave dhe afateve ligjore”./ CNA

 





Lajmet e fundit nga