web counter
LEXO PA REKLAMA!

SHKARKO APP

App Store
Google Play

E fundit!

x

Sanksioni “non-grata” i Berishës/ Kasanof: Nuk mund të flas në emër të administratës Trump

20 Dhjetor 2024, 19:01, Aktualitet CNA
Sanksioni “non-grata” i Berishës/ Kasanof: Nuk mund të
Zv.ndihmëssekretari amerikan i Shtetit për Ballkanin Perëndimor, Alexander Kasanof

Zv.ndihmëssekretari amerikan i Shtetit për Ballkanin Perëndimor, Alexander Kasanof, u pyet këtë të premte për sanksionin “non-grata” të vendosur nga SHBA ndaj ish-kryeministrit Sali Berisha.

Kasanof tha se përcaktimi “non-grata” është një mjet i rëndësishëm për të ndihmuar reformat e sistemit të drejtësisë dhe ndjekjen e çështjeve anti-korrupsion.

“Normalisht nuk flas për personat e përcaktuar dhe hollësitë e atyre rasteve. Ajo që do të doja të ritheksoja këtu është se Shtetet e Bashkuara i shohin përcaktimet si mjet i rëndësishëm për të ndihmuar reformat e sistemit të drejtësisë dhe ndjekjen e çështjeve anti-korrupsion dhe të krimit të organizuar. Këto mjete janë ndërtuar për të ndihmuar agjencitë vendase në terren, sidomos agjenci si SPAK-u, që të arrijnë misionin e tyre, por janë ndërtuar edhe për të ndihmuar përmirësimin e sundimit të ligjit dhe të reformave në vazhdim në sistemin e drejtësisë. Kjo është ajo që theksojmë. Dhe këtu do të mbetet theksi ynë dhe fokusi ynë i vazhduar”, u shpreh ai në një intervistë për Zërin e Amerikës.

I pyetur për pritshmëritë e opozitës për heqjen e këtij sanksioni nga administrata e presidenti Donald Trump, ai refuzoi të bëjë një parashikim.

“Nuk mund të flas në emër të administratës që vjen. Do të ishte e pavend. Por, mund të ritheksoj për ju që në administratën e tanishme, ne do të vazhdojmë të fokusohemi tek këto reforma dhe të fokusohemi tek ndihma që institucione si SPAK-u të përmbushin misionin e tyre”, theksoi zv.ndihmëssekretari amerikan i Shtetit për Ballkanin Perëndimor./ CNA





Lajmet e fundit nga