web counter
LEXO PA REKLAMA!

SHKARKO APP

App Store
Google Play

Kasanof: SHBA mbështet fort SPAK-un, po përballet me sfidë të vështirë

20 Dhjetor 2024, 18:47, Aktualitet CNA
Kasanof: SHBA mbështet fort SPAK-un, po përballet me sfidë
Zv.ndihmëssekretari amerikan i Shtetit për Ballkanin Perëndimor, Alexander Kasanof

Zv.ndihmëssekretari amerikan i Shtetit për Ballkanin Perëndimor, Alexander Kasanof, ritheksoi sërish mbështetjen e SHBA-ve për SPAK-un.

Një një intervistë për Zërin e Amerikë, Kasanof tha se SPAK-un e mbësht fort dhe do që ta shohë ta vazhdojë punën.

“Tek SPAK, u sigurova që të flisja për mbështetjen e vazhduar dhe shumë të fortë për punën e atij institucioni. Është për t’u theksuar se në takimet e mia publike dhe private, fola për rëndësinë që ka sundimi i ligjit dhe se asnjë burrë a grua nuk është mbi ligjin dhe se çështjet që ndjek SPAK do të arrijnë kudo ku çojnë provat dhe kjo është diçka që e mbështesim jo vetëm si proces, por edhe si një radhë faktesh në terren që ndihmojnë për të luftuar korrupsionin dhe çrrënjosur krimin e organizuar, një përpjekje që Shqipëria po e kalon dhe që e kanë kaluar edhe vende të tjera, përfshi vendin tim, dhe një përpjekje që duhet ta fitojmë dhe prandaj është me rëndësi ta shohim suksesin e SPAK-ut.

Pra, këto janë disa nga çështjet që diskutuam. E vlerësova vërtet të gjithë kohën që m’u dha nga zyrtarët me të cilët u takova. Pres me kënaqësi të kthehem”, u shpreh ai.

Kasanof deklaroi se SPAK-u po përballet me një sfidë të vështirë, ndaj edhe mbështetja për këtë institucion duhet të jetë e vazhdueshme.

“Është me rëndësi për Shtetet e Bashkuara që të vazhdojmë mbështetjen që po i japim qeverisë dhe institucioneve të pavarura si SPAK, por edhe të tjera, për të ecur përpara me punën për reformimin e sektorit të drejtësisë dhe përmirësimit të sundimit të ligjit. Është sfidë e vështirë. Dhe është sfidë e vështirë për çdo vend. Dhe është një sfidë për të cilën nevojitet mbështetja jonë e vazhdueshme. Pra, është punë e papërfunduar. Sigurisht, kjo vihet në dukje edhe nga disa prej reformave që BE ka nënvizuar se duhet të kryhen këtu. Shtetet e Bashkuara po përpiqen të ndihmojnë kudo ku mundemi, si qeverinë dhe paketat e saj të reformave, por edhe institucionet e pavarura që të mbeten të pavarura dhe të ndërmarrin masat e duhura për të çrrënjosur korrupsionin dhe krimin e organizuar, të cilat, siç e përmenda më herët, janë një rezultat jashtëzakonisht i rëndësishëm që duam ta shohim të realizohet në Shqipëri”, theksoi zyrtari i lartë amerikan./ CNA





Lajmet e fundit nga