web counter
LEXO PA REKLAMA!

SHKARKO APP

App Store
Google Play

Punimet në aksin Librazhd-Korçë/ Do të ketë bllokim të përkohshëm të qarkullimit, apeli për qytetarët

3 Shkurt 2026, 14:53, Aktualitet CNA

Punimet në aksin Librazhd-Korçë/ Do të ketë bllokim

 

Aksi Librazhd-Korçë do të jetë i bllokuar nga data 3 shkurt deri më 5 shkurt.

Shkak për bllokimin janë punimet në fshatin Dragostunjë, pas rrëshqitjes së masivit të dheut ditën e diel, gjë që solli dhe bllokimin e rrugës për 7 orë.

Aksi do të bllokohet në intervalet kohore 22:00 deri më 05:00.

 

Njoftimi i policisë

 

Për shkak të punimeve që do të kryhen në aksin rrugor “Librazhd-Korçë”, në fshatin Dragostunjë, do të ketë bllokim të përkohshëm të qarkullimit të automjeteve në këtë aks rrugor, nga data 03.02.2026 deri më datë 05.02.2026, gjatë intervaleve kohore 22:00 - 05:00. 

Gjatë këtyre intervaleve kohore, aksi rrugor do të jetë i pakalueshëm për mjetet, veçanërisht për mjetet e tonazhit të rëndë. Pikat e kalimit kufitar janë njoftuar për informimin e drejtuesve të këtyre mjeteve, për bllokimin e përkohshëm të qarkullimit.

Gjatë kohës së bllokimit të lëvizjes do të lejohen të qarkullojnë vetëm autoambulancat, mjetet zjarrfikëse dhe ato të Policisë.

Si alternativë kalimi për mjetet e vogla do të shërbejë aksi “Maliq - Lozhan - Moglicë - Gramsh”, në drejtim të Tiranës dhe anasjelltas.

Shërbimet e Policisë do të jenë të pranishme në terren, për menaxhimin e situatës, garantimin e rendit dhe të sigurisë rrugore.     

Policia Rrugore e Elbasanit apelon për mirëkuptim nga ana e drejtuesve të mjeteve, respektimin e sinjalistikës dhe të udhëzimeve të shërbimeve të Policisë, si dhe për shmangien e lëvizjeve të panevojshme gjatë intervaleve kohore të bllokimit./ CNA





Lajmet e fundit nga