web counter
LEXO PA REKLAMA!

SHKARKO APP

App Store
Google Play

Meta i përgjigjet Lamallarit: A e di Diella e Drejtësisë se nuk ka drita e ujë në burg?

3 Shkurt 2026, 13:05, Aktualitet CNA

Meta i përgjigjet Lamallarit: A e di Diella e Drejtësisë se nuk

Kreu i PL-së, Ilir Meta, ka reaguar pas deklaratave të ministrit të Drejtësisë, Besfort Lamallari.

Përmes një reagimi në rrjetet sociale, Meta i drejtohet Lamallarit “Diella” e Drejtësisë duke thënë se në burgun ku po qëndron ai, vetëm dje është ndërprerë energjia elektrike 42 herë dhe se ka ujë vetëm 3 orë në ditë.

“Dëgjova 'Diellën' e Drejtësisë që fliste për situatën në burgje dhe meqë nuk e di po e njoftoj që vetëm dje ka ikur 42 herë energjia elektrike te IEPV 'Jordan Misja', jo vetëm për mua, por për rreth 500 të burgosur e të paraburgosur që ndodhen këtu.

A e di 'Diella' e Drejtësisë që këtu ka vetëm 3 orë ujë në ditë?

A e di 'Diella' e Drejtësisë që në burgje vdesin qytetarë për mungesën e trajtimit të duhur shëndetësor?

A e di 'Diella' e Drejtësisë që gardianët nuk kanë marrë asnjë qindarkë shpërblim për punën jashtë orarit, as ushqimin, as trajtimin që meritojnë sipas ligjit?

E ç'mund të presësh nga 'Diellat'?

Ato janë pjellë e AKSHI-t, simbolit të korrupsionit skizofrenik.

Ndërsa lidhur me respektimin e të drejtave të mia dua t'u kujtoj të gjithë qytetarëve që akoma nuk më kanë dorëzuar të zbardhur, as mua, as avokatit tim, vendimin e 2 korrikut 2025, të dënimit tim të dytë nga IEPV 'Jordan Misja' për lirinë e fjalës”, shkruan Meta./ CNA





Lajmet e fundit nga