web counter
LEXO PA REKLAMA!

SHKARKO APP

App Store
Google Play

E fundit!

x

Prona, llogari bankare dhe aksione në 3 kompani/ Çfarë iu sekuestrua Jamarbër Malltezit

22 Tetor 2023, 11:32, Aktualitet CNA
Prona, llogari bankare dhe aksione në 3 kompani/ Çfarë iu
Jamarbër Malltezi, anëtari i Këshillit Kombëtar të PD-së dhe dhëndri i ish-kryeministrit Sali Berisha

Jamarbër Malltezi, anëtari i Këshillit Kombëtar të PD-së dhe dhëndri i ish-kryeministrit Sali Berisha, u arrestua dje në aeroportin e Rinasit.

Pas vënies në pranga u bë e ditur se GJKKO ka sekuestruar pasuritë e Malltezit, pasi akuzohet për privatizimin e ish-kompleksit “Partizani”.

SPAK ka bërë të ditur këtë të diel se dhëndrit të Berishës i janë sekuestruar 16 pasuri të paluajtshme dhe 6 llogari bankare në euro, dollarë dhe lekë.

Gjithashtu, nën sekuestro janë vënë edhe aksionet e Malltezit në shoqëritë “Homeplan” sh.p.k., ku zotëron 45% të tyre, “Magnet IMO” sh.p.k. ku është 100% aksioner dhe 60% të kuotave te “Magnet Gym&Fit”.

Dhëndri i Berishës akuzohet se ka kryer “Korrupsion pasiv të funksionarëve të lartë shtetërore ose të zgjedhurve vendorë”, kryer në bashkëpunim me Berishën.

Gjithashtu, ai dyshohet se në bashkëpunim me ndërtuesin ka konsumuar veprën penale të “Pastrimit të produkteve të veprës penale ose veprimtarisë kriminale”.

SPAK pretendon se Berisha, në cilësinë e tij si Kryeministër, ka favorizuar procedurat e privatizimit të ish-kompleksit "Partizani" dhe përfitues i drejtpërdrejtë ka qenë Malltezi.

Në tokën e ish-kompleksit "Partizani", Malltezi, në cilësinë e investitorit nga shoqëria “Homeplan” sh.p.k., ka kryer ndërtime dhe përfitimet llogariten në shumën 672 miliardë lekë ose 5 milionë euro./ CNA





Lajmet e fundit nga