web counter
LEXO PA REKLAMA!

SHKARKO APP

App Store
Google Play

E fundit!

x

SPAK mori hapa konkretë/ Çfarë është dosja e ish-kompleksit Partizani

21 Tetor 2023, 21:03, Aktualitet CNA

SPAK mori hapa konkretë/ Çfarë është dosja e

Gjykata e Posaçme ka dhënë disa masa sigurie për personat nën hetim në lidhje me privatizimin e ish-kompleksit Partizani.

Me një urdhër të firmosur nga prokurorët Arben Kraja dhe Enkeleda Millonai, si dhe nga kreu i SPAK, Altin Dumani, është bëri i mundur arrestimi i Jamarbër Malltezit dhe i ndërtuesit Fatmir Bektashi.

Ndërkohë, masa “detyrim paraqitje” është caktuar për ish-kryeministrin Sali Berisha.

Ndaj tyre rëndojnë akuzat për korrupsion, pastrim parash, shpërdorim detyre dhe fshehje të pasurisë në lidhje me privatizimin e ish-kompleksit Partizani.

Kallëzimi për privatizimin të ish-kompleksit ku është ndërtuar një kompleks pallatesh, është bërë nga kryetari i grupit parlamentar të Partisë Socialiste, Taulant Balla.

Nëpërmjet kësaj padie, Balla akuzon për shpërdorim detyre ish-kryeministrin Berisha, dhëndrin e tij, Jamarbër Malltezi dhe ish-ministrin Arben Imami.

Klubi sportiv “Partizani” ka qenë një ndër komplekset në pronësi të Ministrisë së Mbrojtjes, ku sot janë bërë ndërtime të reja.

Prona me rreth 10.000 m2, në qendër të Tiranës, filloi të privatizohej në vitin 2008 dhe përfundoi në katër vite më vonë, në vitin 2012.

SPAK i ka nisur hetimet për këtë dosje dy vite më parë dhe ka marrë në pyetje ish-ministrat e mbrojtjes, Fatmir Mediu e Gazmend Oketa, ish-ministrin e Ekonomisë, Tregtisë dhe Energjitikës Genc Ruli, ish-zyrtarët e klubit sportiv Isa Tare e Afrim Tole, si dhe ish-drejtuesi i Komandës së Mbështetjes Logjistike të Forcave të Armatosura, Vladimir Qirjazi, e shumë personazhe të tjerë./ CNA





Lajmet e fundit nga