web counter
LEXO PA REKLAMA!

SHKARKO APP

App Store
Google Play

E fundit!

x

Prokurorja Doloreza Musabelliu para KLP-së: Drejtimi i SPAK-ut kërkon më shumë se një vizion

11 Dhjetor 2025, 11:21, Aktualitet CNA

Prokurorja Doloreza Musabelliu para KLP-së: Drejtimi i SPAK-ut kërkon

Kandidatja për drejtimin e SPAK-ut, Doloreza Musabelliu, paraqiti sot para Këshillit të Lartë të Prokurorisë platformën e saj, duke theksuar se objektivi kryesor është ofrimi i një drejtimi të pavarur dhe të orientuar drejt rezultateve të prekshme në luftën kundër korrupsionit dhe krimit të organizuar.

Musabelliu kujtoi se ka qenë pjesë e dy strukturave më të rëndësishme hetimore në vend, ish-Prokurorisë për Krime të Rënda dhe më pas SPAK-ut, duke nënvizuar rolin e saj në çështje të profilit të lartë.

Ajo tha se ka përfaqësuar momente të rëndësishme në forcimin e shtetit të së drejtës dhe është marrë me hetime të rënda që lidhen me banda dhe organizata kriminale. Sipas saj, sfidat e shumta të përballuara ndër vite janë shndërruar në një përvojë të konsoliduar, e cila e aftëson për drejtimin e institucionit.

Musabelliu theksoi se drejtimi i SPAK-ut kërkon më shumë se një vizion, duke kërkuar njohje të thellë të sistemit, aftësi për vendimmarrje të shpejtë dhe të rregullt, si edhe menaxhim efektiv të çështjeve të ndërlikuara.

Në prezantimin e saj, ajo përmendi gjithashtu se ka ndjekur çështje të rëndësishme të trafikut të narkotikëve, duke theksuar angazhimin e vazhdueshëm në luftën kundër kriminalitetit të organizuar.

“Synoj të ofroj një drejtim të pavarur të drejtuar drejt rezultatave konkrete. Kam qenë pjesë e dy strukturave si Prokuroria e Krimeve të Rënda dhe SPAK-u.

Kam përfaqësuar momente të rëndësishme në forcimin e shtetit të së drejtës. Jam marrë me krime të rënda, me banda dhe organizata kriminale.

Sfidat e përballuara në vite janë shndërruar në përvojë të konsoliduar. Drejtimi kërkon më shumë se një vizion, kërkon njohje të sistemit me aftësi për vendimmarrje të shpejtë dhe të rregullt. Kam ndjekur çështje të trafikut të narkotikëve”, tha Musabelliu./ CNA





Lajmet e fundit nga