web counter
LEXO PA REKLAMA!

SHKARKO APP

App Store
Google Play

E fundit!

x

Gara për kreun e ri të SPAK-ut/ Prokurori Xholi: Koha të vijojmë me hetime më të shpejta pasurore

11 Dhjetor 2025, 09:17, Aktualitet CNA

Gara për kreun e ri të SPAK-ut/ Prokurori Xholi: Koha të

Në KLP po mbahet këtë të enjtë mbledhja për kreun e ri të Prokurorisë së Posaçme, ku ka nisur edhe minutazhi për secilin kandidat.

Në fjalën e tij, prokurori Adnan Xholi u ndal te studimet dhe karriera e deritanishme, mbi të cilat ndau edhe disa detaje më të hollësishme.

Xholi e cilësoi si një privilegj kandidimin për këtë detyrë, teksa shtoi se një objektiv i rëndësishëm për të ardhmen e institucionit është vijimi me hetime më të shpejta pasurore, që do të çojnë në konfiskimin më të shpejtë të aseteve.

“Si prokuror pranë SPAK-ut e ndiej si privilegj dhe kënaqësi të aplikoj për këtë vend vakant, për shkak të plotësimit të disa kritereve. Besoj se kam aftësitë menaxheriale që duhen për këtë detyrë. Kam përfunduar studimet në Fakultetin e Drejtësisë. Në vitin 2004 kam qenë në grupin e parë të prokurorëve që hetonin pasuritë dhe asetet. Kam mbajtur detyrën e drejtorit të Drejtorisë së Hetimeve Penale. Në vitin 2021 jam emëruar prokuror i SPAK-ut. Jam autor i disa botimeve shkencore, si edhe lektor i disa lëndëve pranë universiteteve të vendit, për lëndët e së drejtës penale. Historia e SPAK-ut lidhet me luftën ndaj korrupsionit dhe krimit të organizuar. Po ashtu edhe mbrojtja e pavarësisë së institucionit. Secili kandidat, për shkak të rezultateve që kanë arritur, janë të denjë në kandidim. Jam krenar që punoj me ta dhe do t'i mbështes pavarësisht votimit të sotëm. Krahas sukseseve, ka ardhur koha të vijojmë me hetime më të shpejta pasurore për konfiskimin e aseteve të krimit për të çrrënjosur kulturën e pandëshkueshmërisë. Falë reformës në drejtësi, SPAK është organ i decentralizuar. Prokurori është i pavarur, drejtuesi është menaxher dhe ka si detyrë të orientojë punën, kapacitetet në dispozicion, por ka edhe në fokus arritjen e rezultateve sa më të suksesshme dhe kjo garanci duhet të ndërtohet për garantimin e interesit dhe praktikave më të mira”,-tha Xholi./CNA





Lajmet e fundit nga