web counter
LEXO PA REKLAMA!

SHKARKO APP

App Store
Google Play

Publikimi në Fletoren Zyrtare i ligjit "Për barazinë gjinore"/ Pano: Nuk do kalojë në heshtje përpara Qiellit

10 Dhjetor 2025, 19:08, Aktualitet CNA

Publikimi në Fletoren Zyrtare i ligjit "Për barazinë

Aktivistja e koalicionit shqiptar “Pro familjes dhe jetës”, Linda Pano ka reaguar pas botimit në Fletoren Zyrtare të ligjit “Për barazinë gjinore”.

Pano shkruan i vjen të vajtojë për tradhëtinë që presidenti u ka bërë fëmijëve shqiptarë.

Aktivistja shprehet se heshtja përballë së keqes është po aq e keqe.

Më tej, Linda Pano shkruan se politikanët do të kujtohen si tradhtarë dhe burracakë që shkëmbyen të ardhmen e fëmijëve shqiptarë për rehatinë e tyre.

 

Reagimi i Linda Panos

 

Sot e kam shpirtin thellësisht të trishtuar dhe më vjen të vajtoj për tradhtinë dhe të keqen që Presidenti Bajram Begaj u ka bërë fëmijëve shqiptarë si dhuratë në këtë Krishtlindje, duke e lejuar Ligjin për Barazinë Gjinore të kalojë sot në Fletoren Zyrtare pa asnjë lloj kontestimi nga ana e tij.

President, heshtja përballë së keqes është po aq e keqe, dhe një ditë secili prej jush të 79-ve do të jepni llogari. Kur historia të kthehet sërish dhe arsyeja t’iu kthehet njerëzve, ju të gjithë do të kujtoheni.

Por nuk do të jetë ashtu siç do të kishit dëshirë të kujtoheshit, por si tradhtarë dhe burracakë që këmbyet të ardhmen e Kombit, fëmijët, për rehatinë tuaj.

Vuajtja e fëmijëve shqiptarë nuk do të kalojë në heshtje përpara Qiellit!

Ndërkohë, ne do të vazhdojmë të lutemi për ju, se kush e di, ndoshta mëshira dhe hiri i madh do t’iu jepen dhe do të keni mundësinë të pendoheni./CNA

 





Lajmet e fundit nga