web counter
LEXO PA REKLAMA!

SHKARKO APP

App Store
Google Play

Ambasadorja japoneze në Maliq/ Dorëzon mjet logjistik për mirëmbajtjen e rrugëve

10 Dhjetor 2025, 13:21, Aktualitet CNA

Ambasadorja japoneze në Maliq/ Dorëzon mjet logjistik për

Ambasadorja e Japonisë në Shqipëri, Kato Kikuko, ka vizituar Bashkinë e Maliqit ku dorëzoi një mjet logjistik për mirëmbajtjen e rrugëve të financuar nga një grant japonez, me qëllim përmirësimin e mirëmbajtjes së rrugëve lokale dhe shërbimeve administrative për banorët.

Gjatë fjalës së saj, ambasadorja theksoi nevojën e bashkisë për këtë investim, për shkak të vështirësive të zonës malore dhe kushteve të vështira atmosferike.

"Projekti lidhet me një grant të akorduar Bashkisë së Maliqit. Ne e kuptojmë se kjo bashki ka një nevojë të konsiderueshme për përmirësimin e mirëmbajtjes së rrugëve lokale, me qëllim garantimin e shërbimeve më të mira administrative për banorët e saj. Duke qenë një zonë malore, Maliqi preket shpesh nga reshjet e dendura të shiut dhe dëborës, të cilat në disa raste pengojnë banorët të marrin shërbimet publike në kohë dhe në mënyrë të përshtatshme."

Kato Kikuko theksoi gjithashtu se ky investim lidhet drejtpërdrejt me prioritetet e politikës japoneze për zhvillimin e qëndrueshëm në Shqipëri.

"Po, ne kemi dy prioritete kryesore në politikën tonë të zhvillimit ndaj Shqipërisë: mjedisin dhe zhvillimin e barabartë në të gjithë territorin e vendit. Dhënia e këtij mjeti STIA skid loader është në përputhje të plotë me politikën tonë për zhvillim të barabartë në Shqipëri. Japonia ka qenë duke ofruar mbështetjen tonë për të ndihmuar reformat socio-ekonomike të qeverisë shqiptare drejt integrimit në BE, në kuadër të Nismës së Bashkëpunimit të Ballkanit Perëndimor."

Mjeti i dorëzuar pritet të rrisë efikasitetin e bashkisë në pastrimin dhe mirëmbajtjen e rrugëve, duke lehtësuar aksesin e banorëve në shërbimet publike dhe duke kontribuuar në zhvillimin e infrastrukturës vendore./ CNA





Lajmet e fundit nga