web counter
LEXO PA REKLAMA!

SHKARKO APP

App Store
Google Play

E fundit!

x

SKEMA/ Prokuroria kërkoi masa arresti, përfaqësuesit e subjekteve familjarë të Arben Malokut

9 Dhjetor 2025, 22:53, Aktualitet CNA
SKEMA/ Prokuroria kërkoi masa arresti, përfaqësuesit e subjekteve
Arben Maloku dhe Erion Veliaj

Emrat e zyrtarëve të Bashkisë Tiranë dhe përfaqësuesve të subjekteve për të cilët Prokuroria e Tiranës kërkoi sot masë sigurie kanë një “emërues të përbashkët”, Arben Maloku. Ky i fundit, ish-administrator i njësisë Administrative Zall Herr, është bashkëpunëtori i një prej drejtorëve të famozes “dosje 5D”, ku ka ndërtuar mijëra metra katrorë pa leje në mes të Tiranës.

Arben Maloku, rezultoi se ishte themelues i kompanisë “Jon Construction”, e cila tashmë është në pronësi të Sokol Tushes, vëllait të Taulant Tushes, ka qenë në hetim nga Prokuroria e Tiranës për veprën penale “Ndërtim i paligjshëm”.

Bashkia e Tiranës nën drejtimin e Erion Veliajt lejoi Arben Malokun dhe familjarët e tij, të lidhur ngushtësisht me drejtorët “5D” të ndërtonin mijëra metra katrorë pa leje në kryeqytet.

Një vit më parë CNA denoncoi se kompania “Arb&Trans-2010” sh.p.k.” kanë bërë mbi 2700 m2 ndërtim në shkelje të lejes së dhënë në një pallat në “Myslym Shyri”, Tiranë. Ky objekt nisi të ndërtohej në vitin 2021 dhe është sekuestruar nga autoritetet.


Më 15 janar 2021 nga ana e Bashkisë Tiranë për objektin e sipërcituar rezulton se leja e ndërtimit është “Godinë banimi dhe shërbimi 4 dhe 5-9 kate, me 2 kate parkim dhe shërbim nëntokë”, por në fakt objekti u ndërtua 4 (katër) kate mbi lejen e ndërtimit të miratuar, me një sipërfaqe totale shtesë 2713.5 m2. 

 

Por si lidhen fijet e personave ndaj të cilëve u kërkua masë sigurie, ditën e sotme me emrin e Arben Malokut?

Një ndër personat për të cilët prokuroria kërkoi masë sigurie është Shyqyri Maloku, babai i Arben Malokut. Në njoftimin e prokurorisë thuhet se Shyqyri Maloku është administrator i Subjektit “Arb & Trans -2000”. Kompani kjo e cila rezulton të jetë në pronësi të djalit të tij, Arben Maloku.

Prokuroria e Tiranës ka kërkuar masën “Detyrim paraqitje” ndaj përfaqësuesit ligjor të  subjektit “Arb & Trans -2000”, Fatmir Firi. Ky emër është gjithashtu i lidhur me Arben Malokun, më saktësisht është vjehrri i tij.

Kujtojmë që ndërtimet pa leje të Arben Malokut janë denoncuar gjithashut dhe nga demokrati Belind Këlliçi, i cili denonconte atë kohë se zyrtari i lartë i Bashkisë Tiranë, kishte përfituar 34 milionë euro tenderë nga Erion Veliaj.

Këlliçi deklaroi se Maloku kishte përfituar 3 leje ndërtimi dhe 55 tenderë për periudhën 2018-2023./CNA





Lajmet e fundit nga