web counter
LEXO PA REKLAMA!

SHKARKO APP

App Store
Google Play

E fundit!

x

Përplasjet për Avokatin e Popullit/ Flamur Noka: Salianji loboi të firmoset për Endri Shabanin

11 Dhjetor 2025, 07:45, Aktualitet CNA

Përplasjet për Avokatin e Popullit/ Flamur Noka: Salianji loboi

Përzgjedhja e Avokatit të ri të Popullit ka krijuar shumë debate dhe përplasje mes opozitës dhe mazhorancës.

Opozita është tërhequr duke thënë se nuk ka votuar asnjërin prej kandidatëve, emrat e të cilëve pas komisionit do të kalojnë në parlament për të votuar.

I gjithë problemi i opozitës duket se është Endri Shabani si kandidat. Nga ana tjetër mazhoranca thotë se emrat që kanë paraqitur firmat do të dërgohen në Kuvend, kujtojmë këtu se të gjithë kandidatët i përkasin opozitës.

Sa i përket kandidaturës së Endri Shabanit, Sekretari i Përgjithshëm i PD-së, Flamur Noka, ka ndërhyrë në emisionin "Top Story" dhe është shprehur se ai nuk ka firmosur dhe se ka qenë Ervin Salianji ai që ka lobuar të firmoset për Endri Shabanin.

“Unë nuk kam firmosur, u kam kërkuar kolegëve të mos firmosin. Ervin Salianji ka lobuar të firmoset Endri Shabani”, tha Noka.

Edhe pse mazhoranca i ka lënë rrugën e hapur opozitës për të përzgjedhur Avokatin e Popullit, kjo e fundit duket qartë se edhe në këtë pikë është e përçarë. / CNA





Lajmet e fundit nga