web counter
LEXO PA REKLAMA!

SHKARKO APP

App Store
Google Play

E fundit!

x

Adnan Xholi në KLP: Duhet shtuar numri i prokurorëve në SPAK

11 Dhjetor 2025, 10:00, Aktualitet CNA

Adnan Xholi në KLP: Duhet shtuar numri i prokurorëve në SPAK

Kandidati për drejtues të SPAK-ut, Adnan Xholi, gjatë prezantimit të tij në Këshillin e Lartë të Prokurorisë, theksoi se duhet shtuar numri i prokurorëve në Prokurorinë e Posaçme.

Xholi u shpreh se ka kërkuar që prokurorët të ndjekin në mënyrë të posaçme dosjet që kanë në ngarkim, sidomos ata që mbajnë “dhjetëra fashikuj”, me synimin për të shmangur vonesat dhe për të garantuar ecuri të pandërprerë të hetimeve.

Ai theksoi se në disa raste është shprehur edhe për ndryshime në kompetencën lëndore të SPAK-ut, të cilat, sipas tij, do të ndihmonin në balancimin e ngarkesës së punës dhe në përqendrimin te çështjet prioritare.

Sipas Xholit, një ndër masat kryesore për të rritur efikasitetin është shtimi i numrit të prokurorëve, çka do të sillte “kosto më të ulëta dhe rezultate më të shpejta”, duke përmirësuar ritmin e hetimeve dhe cilësinë e punës në strukturën antikorrupsion.

“Çështjen në SPAK zgjasin me muaj dhe vite, kërkova që prokurorët që kanë me dhjetëra dosje dhe fashikuj do të duhet të ndiqen prej tyre. E kemi shprehur mendimin për ndryshime në kompetencën lëndore. Me shtimin e prokurorit do të arrihen kosto dhe rezultate të shpejta”, tha Xholi./ CNA





Lajmet e fundit nga