web counter
LEXO PA REKLAMA!

SHKARKO APP

App Store
Google Play

Prokuroria çon për ekspertim në IML kartelat e studentëve të helmuar/ I dërgon shkresë AKU-së

26 Maj 2026, 12:57, Aktualitet CNA

Prokuroria çon për ekspertim në IML kartelat e studentëve

Prokuroria e Tiranës ka dërguar për ekspertim të mëtejshëm në Institutin e Mjekësisë Ligjore, kartelat e 56 studentëve të Akademisë së Sigurisë të cilët u helmuan pak javë më parë.

Sipas raportimeve, Prokuroria i ka dërguar dhe një shkresë Autoritetit Kombëtar të Ushqimit, ku ka kërkuar informacion për bllokimin dhe më pas zhbllokimin e aktivitetit të kompanisë “Sori-Al”. Hetuesit synojnë zbulojnë nëse ka pasur kontrolle të tjera dhe cilat kanë qenë rezultatet.

Kujtojmë se pas ngjarjes AKU njoftoi ndërprerjen e aktivitetit për subjektin “SORI-AL” dhe në adresën Garnizoni “Skënderbej” pranë Forcave të Armatosura. Gjithashtu gjobiti subjektin me vlerën e 1,500,000 lekëve për ushqim të pasigurt dhe kushte higjieno-sanitare.

Disa ditë më vonë, AKU njoftoi zhbllokimin e aktivitetit të “SORI-AL” me arsyetimin se pas analizimit të mostrave për higjienën ambientale dhe të pajisjeve të punës brenda ambienteve të kuzhinës së Akademisë së Sigurisë, Sauk dhe brenda ambienteve të kuzhinës së Garnizonit, të Forcave të Armatosura, treguesit e higjienës kanë rezultuar brenda normave. Ndërkohë pritet akt-ekspertiza zyrtare nga Mjekësia Ligjore për helmimin e studentëve. /CNA





Lajmet e fundit nga