web counter
LEXO PA REKLAMA!

SHKARKO APP

App Store
Google Play

Operacioni i SPAK dhe Antimafias së Barit/ Zbardhen detaje, si u zbulua grupi kriminal shqiptar nga vrasja në Itali

26 Maj 2026, 09:02, Aktualitet CNA

Operacioni i SPAK dhe Antimafias së Barit/ Zbardhen detaje, si u zbulua

Një operacion i përbashkët në shkallë të gjerë është zhvilluar midis Drejtorisë së Antimafias së Barit dhe Prokurorisë së Posaçme për Antikorrupsionin dhe Krimin e Organizuar (SPAK), me mbështetjen dhe koordinimin e Eurojust.

Mediat italiane shkruajnë se në kuadër të operacionit janë lëshuar 14 masa sigurie, një “arrest në shtëpi", tre "detyrim paraqitje" dhe pjesa tjetër “arrest në burg”.

Bëhet me dije se masat e sigurisë janë vendosur në kuadër të hetimit nga Antimafia e Barit në bashkëpunim me SPAK, për zbardhjen e vrasjes së Francesco Diviestit, 26-vjeçarit nga Barleta i cili u zhduk më 25 prill 2025 dhe u gjet i vdekur katër ditë më vonë në një fshat në veri të Barit.

Hetimet për vrasjen e Diviestit zbuluan dhe një grup të organizuar kriminal me bazë në Tiranë të cilët dyshohen për pastrim ndërkombëtar parash nga Italia në Shqipëri.

Ndërkohë për detaje të mëtejshme lidhur me masat dhe personat e përfshirë, do të mbahet një konferencë e përbashkët për shtyp në Prokurorinë e Barit, ku do të marrin pjesë Klodjan Braho, kreu i SPAK; Roberto Rossi, Prokuror Publik i Barit; dhe Filippo Spiezia, Anëtar Kombëtar për Italinë në Eurojust. /CNA





Lajmet e fundit nga