web counter
LEXO PA REKLAMA!

SHKARKO APP

App Store
Google Play

E fundit!

x

Ja pse është hapur gara për drejtues policie në 4 qarqe

25 Maj 2026, 16:13, Aktualitet CNA

Ja pse është hapur gara për drejtues policie në 4 qarqe

Gara për drejtuesi të Drejtorive Vendore të Policisë së Shtetit do të zhvillohet në katër qarqe të vendit, ku aktualisht drjetohen nga drejtorë të komanduar.  Krahas Drejtorisë Vendore të Policisë Tiranë që do të zgjedhë drejtuesin e saj pas dorëheqjes së Elton Alushit, do të zhvillohet garë dhe në drejtoritë e Policisë Fier, Durrës dhe Kukës.

Më konkretisht, në Drejtorinë Vendore të Policisë Fier aktualisht është drejtor i komanduar Erion Ahmeti, i cili u komandua në këtë detyrë pas emërimit të Skënder Hitës si Drejtor i Përgjithshëm i Policisë së Shtetit. Përpara emërimit në krye të Policisë së Shtetit, Hita mbante postin e drejtorit të Drejtorisë Vendore të Policisë Fier.

Gara është hapur dhe në Drejtorinë Vendore të Policisë Durrës, ku aktualisht ndodhet drejtor i komanduar Ervin Hodaj. CNA ka mësuar se Hodaj është një nga emrat që pritet të garojë për drejtues të Policisë së Tiranës.

Kujtojmë se Ervin Hodaj u komandua në krye të Drejtori së Policisë Durrës pas shkarkimit të Afrim Tafës. Vendim i marrë nga Drejtori i Përgjithshëm Skënder Hita pas aksidentit tragjik në Durrës të ndodhur më 3 maj, ku dy të mitur humbën jetën.


Po ashtu gara për drejtues policie do të zhvillohet dhe në Drejtorinë Vendore Kukës. Post i mbetur vakant pas dorëheqjes së drejtuesit Loard Sallaku në prill të këtij viti.

Më herët ditën e sotme janë publikuar dhe emrat që pritet të kandidojnë për të qenë drejtues në Drejtoritë Vendore të Policisë ku ka vakanca.

 





Lajmet e fundit nga