web counter
LEXO PA REKLAMA!

SHKARKO APP

App Store
Google Play

Elton Alushi dha dorëheqjen/ Ja kush pritet të garojë për të marrë drejtimin e Policisë së Tiranës

25 Maj 2026, 15:39, Aktualitet CNA

Elton Alushi dha dorëheqjen/ Ja kush pritet të garojë për

Ditën e sotme drejtori i Policisë së Tiranës, Elton Alushi dha dorëhejen nga drejtimi i bluve të kryeqytetit. Në vend të tij, u komandua Oliger Torba.


Por kush janë emrat që pritet të garojnë për të marrë drejtimin e Policisë së Tiranës?

CNA ka mësuar ekskluzivisht se janë tre emra që pritet të jenë në garë për të drejtuar Policinë e Tiranës, pas dorëheqjes së Elton Alushit.

Njëri prej emrave është Ermal Muçaj, oficier karriere, ka mbajtur një sërë postesh drejtuese. Muça ka drejtuar policinë e Vlorës, Lezhës si dhe ka qenë nëndrejtori i Policisë së Tiranës.

Gjatë drejtimit të Drejtorisë së Policisë Vlorë, Ermal Muça është dekoruar dhe për merita të veçanta dhe trimëri në luftën ndaj krimit dhe korrupsionit.

Elton Alushi dha dorëheqjen/ Ja kush pritet të garojë për
Ermal Muça

CNA mëson se një tjetër emër që pritet të garojë për të qenë drejtor i Policisë së Tiranës është Ervin Hodaj, një figurë e njohur për blutë e Tiranës. Kujtojmë që Hodaj ka drejtuar dhe më parë Policinë e Tiranës, post të cilin e ka mbajtur deri në vitin 2017. Më pas Hodaj ka drejtuar dhe Policinë e Shkodrës dhe atë të Fierit.

Elton Alushi dha dorëheqjen/ Ja kush pritet të garojë për
Ervin Hodaj

Po ashtu ka mbajtur dhe poste në Drejtorinë e Krimeve të Rënda në Policinë e Shtetit. Aktualisht Hodaj është drejtor i komanduar në Drejtorinë e Policisë Durrës, pas shkarkimit të Afrim Tafës.

Emri i tretë që pritet të jenë në garë për Policinë e Tiranës, sipas burimeve të CNA, është Edvin Ndreu, i cili aktualisht mban postin e drejtorit të Drejtorisë Vendore për Kufirin dhe Migracionin për qarkun Tiranë. Ndreu gjithashtu ka drejtuar dhe komisariatin e Lushnjes si dhe komisariatin 6 në Tiranë.

E përbashkëta e tre emrave që pritet të kandidojnë për të pasuar Elton Alushin është se të treve u fillon emri me gërmën “E”. Ndërsa ndryshimi është se vijnë nga sektorë të ndryshëm, një prej tyre vjen nga Kufiri, Ndreu. Kurse dy të tjerët, Hodaj dhe Muçaj kanë qenë drejtues policie dhe më parë./CNA





Lajmet e fundit nga