web counter
LEXO PA REKLAMA!

SHKARKO APP

App Store
Google Play

E fundit!

x

Tensionet për aeroportin e Vlorës/ Pacolli: Unë dhe familjarët e mi nuk jemi në hetim nga asnjë prokurori në Shqipëri

25 Maj 2026, 14:32, Aktualitet CNA

Përplasjet për aeroportin e Vlorës vijojnë. Biznesmeni Behgjet Pacolli ka dalë sërish me një qëndrim publik ku ka sqaruar se as ai dhe as familjarët e tij nuk janë nën akuzë apo nën hetim nga asnjë prokurori në Republikën e Shqipërisë.

Në një reagim në rrjetet sociale, Pacolli thekson se, tentativa për marrjen e paligjshme të 47% të kuotave të Mabco-s nuk është një çështje për të cilën Mabco ka qenë në dijeni apo ka dhënë ndonjë pëlqim.

Pacolli akuzon ish-administratorin e VIA-s, Valon Llukën, noteren Valbona Selimin dhe pronarin e 2% të kuotave të VIA-s, Valon Ademin, për veprime mashtruese me qëllim përfitimi personal.

Biznesmeni shkruan se çështja është aktualisht në fazë trajtimi civil dhe penal pranë gjykatës kompetente në Tiranë.

“Me qëllim sqarimi, për disa media që, qëllimisht apo për mungesë informacioni, vazhdojnë të shtrembërojnë të vërtetën, me përgjegjësi ju konfirmoj:

a) Së pari, dua ta sqaroj në mënyrë të vendosur dhe të pamohueshme se unë, Behgjet Pacolli, nuk kam qenë dhe nuk jam nën asnjë akuzë, as nën ndonjë hetim nga cilado prokurori në Republikën e Shqipërisë.

Kjo vlen gjithashtu për Emin Pacollin, për çdo familjar timin, si dhe për çdo bashkëpunëtor tonin që ka qenë apo është i lidhur me projektin e VIA-s.

b) Tentativa për marrjen e paligjshme të 47% të kuotave të Mabco-s nuk është një çështje për të cilën Mabco ka qenë në dijeni apo ka dhënë ndonjë pëlqim. Përkundrazi, kjo përbën një veprim të paligjshëm dhe mashtrues, me pasoja të rënda juridike, civile dhe penale.

Ky veprim është kryer nga ish-administratori i VIA-s, Valon Lluka, i cili, pas 18 vitesh bashkëpunimi, tradhtoi besimin e dhënë për qëllime të përfitimit personal; nga noterja Valbona Selimi; si dhe nga pronari i 2% të kuotave të VIA-s, Valon Ademi.

Kjo çështje është aktualisht në fazë trajtimi civil dhe penal pranë gjykatës kompetente në Tiranë. Në këtë rast, Mabco është palë e dëmtuar dhe është duke ndërmarrë të gjitha veprimet e nevojshme ligjore për mbrojtjen e pronës së saj.

Grupet që kanë kryer, si dhe ato që vazhdojnë të mbështesin këtë veprim të paligjshëm, janë të njëjtat që, përmes vendimeve të disa gjyqtarëve, kanë arritur të bllokojnë në mënyrë të paligjshme vijimin normal të punimeve në Aeroportin e Vlorës, para syve të organeve shtetërore — për të mos thënë edhe me ndihmën apo mosveprimin e tyre.

Për këto cdokush, besoj, qe mundët të informohët edhe zyrtarishtë nga organëet përkatëse shtetërore.

Lidhur me më çështjen, Mabco është në proces të elaborimit  të një raporti ndërkombetar ligjor të pavarur, i cili konfirmon dhe dokumenton natyrën dhe shkaqet e paligjshme të këtyre veprimeve e sidomos të sekuestrimit  të paligjeshë të Aeroportit te Vlorës.

PS.

Të ashtuquajturat deklarime për media të relatuara nga  Bujar Ejupi, pa tagër, të VIA-s janë vetëm një interpretim i rremë e mashtrues i i të ashtuquajturave kontrata, të cilat janë nënshkruar pa dijeninë e MABCO-s dhe në mënyrë abuzive me qellim të damtimit të MABCOS nga Valon Lluka dhe Valon Ademi.

Këto kontrata janë denoncuar në Prokurorinë e Tiranës, e cila pritet të deklarohet lidhur me këtë çështje”, shkruan Pacolli./ CNA





Lajmet e fundit nga