web counter
LEXO PA REKLAMA!

SHKARKO APP

App Store
Google Play

"Rama dhe Berisha, arkitektë të këtij sistemi"/ Topi: Njëri kryeministër, tjetri kryetar opozite që merr benefite

26 Maj 2026, 07:36, Aktualitet CNA

"Rama dhe Berisha, arkitektë të këtij sistemi"/ Topi:

Ish-presidenti Bamir Topi është shprehur në një dalje televizive se kryeministri Edi Rama dhe kreu i PD-së, Sali Berisha janë bashkë.

I ftuar në emisionin “Të Paekspozuarit”, Topi u shpreh se janë ato të dy të cilët kanë ndërtuar një sistem të përpbashkët.

Sipas tij “marrëveshja” mes tyre është që Rama të jetë kryeministër që nuk rrezikohet nga asgjë, ndërsa Berisha kryetar opozite që përfiton të gjithë benefitet dhe nuk përben rrezik për asgjë.

“Nuk më interesojnë bisedat që bëhen ku thonë se këta janë bashkë, por unë e di që këta janë bashkë. E kanë ndërtuar vetë sistemin të tillë, kanë qenë arkitektë të këtij sistemi. Pse? Numrat nuk gabojnë. Dihet që është shoqëri e profilit të majtë. Një pjesë e drejtuesve të PD, kanë qenë anëtarë të Partisë së Punës, janë të inspiruar nga një filozofi e majtë. Pastaj i dimë fare mirë shifrat. Edhe kur jemi rikthyer në pushtet, shifrat kanë qenë aty-aty. Nuk bëhet fjalë më për statistika, ato dihen. Këtë e ka kuptuar edhe vetë Berisha, pasi e njeh situatën. Akordi është ky, do të vijojmë në këtë mënyrë që të ruajmë ekuilibrat. Është struktura e sistemit politik. Nëse humbet ekuilibri për pak shkatërrohet piramida. Këta mbajnë njëri tjetrin. Njëri është kthyer në kryeministër që nuk rrezikohet nga asgjë. Tjetri kryetar opozite që përfiton të gjithë benefitet dhe nuk përben rrezik për asgjë. Rreziku më i madh që përbën, është për ata që kanë iluzionin se ai do ti sjellë prapë në pushtet”, tha Topi. /CNA    





Lajmet e fundit nga