web counter
LEXO PA REKLAMA!

SHKARKO APP

App Store
Google Play

Festa e Kurban Bajramit/ Kreu i KMSH-së uron besimtarët: Paqe dhe begati në çdo familje

26 Maj 2026, 09:42, Aktualitet CNA

Festa e Kurban Bajramit/ Kreu i KMSH-së uron besimtarët: Paqe dhe

Kreu i Komunitetit Mysliman të Shqipërisë, Bujar Spahiu ka përcjellë urimin e tij për besimtarët me rastin e festës së Kurban Bajramit.

Spahiu shprehet në mesazhin e tij se kjo festë kujton vlerat e sakrificës, përkushtimit ndaj Zotit dhe kujdesit për njëri-tjetrin.

“Ju përcjell urimet më të përzemërta për paqe, mirësi, begati dhe harmoni në familjet tuaja. Kurban Bajrami është një ndër festat më të rëndësishme në besimin islam. Është festa e sakrificës, e bindjes ndaj Zotit, e solidaritetit dhe e dashurisë për njeriun”, shprehet Spahiu.

Në mesazhin e tij ai bën thirrje për më shumë mirëkuptim duke uruar që kjo festë të sjellë begati, shëndet dhe gëzim në çdo familje shqiptare.

“Kjo festë na fton të reflektojmë më shumë për njëri-tjetrin, të jemi më pranë familjeve tona, të moshurve, njerëzve në nevojë, jetimëve, dhe çdo zemre që ka nevojë për mbështetje e shpresë”, shprehet ai.

Ndër të tjera ka theksuar rëndësinë që merr Kurbani në një kohë kur bota po përballet me konflikte të vazhdueshme. Ai shprehet se njerëzit kanë nevojë më shumë se kurrë për mirëkuptim, dialog dhe respekt mes njëri-tjetrit.

“Kurbani nuk është vetëm një ritual fetar. Ai është një akt solidariteti, ndarje dhe kujdesi për tjetrin. Në një kohë kur bota përballet më sfida të shumta, konflikte dhe pasiguri sociale, mesazhi i Kurban Bajramit merr një rëndësi edhe më të madhe. Kemi nevojë më shumë se kurrë për mirëkuptim, dialog dhe respekt mes njerëzve”, shprehet kreu i KMSH. /CNA

 
 
 
 
 
View this post on Instagram
 
 
 
 
 
 
 
 
 
 
 

A post shared by CNA.al (@cna.lajme)





Lajmet e fundit nga