web counter
LEXO PA REKLAMA!

SHKARKO APP

App Store
Google Play

Mara i përgjigjet prokurorit italian: Grupet kriminale shqiptare kanë gjetur mbështetje të elementët e krimit në Itali

26 Maj 2026, 11:24, Aktualitet CNA

Prokurori i SPAK, Vladimir Mara, në konferencën e përbashkët me autoritetet hetimore italiane u shpreh se falë bashkëpunimit mes Prokurorisë së Posaçme dhe Antimafias së Barit janë dokumentuar disa vepra penale të grupit kriminal shqiptar të goditur. Mara u shpreh se nga ky hetim u arrit dhe zbardhja e vrasjes së kryer në Itali.

Më herët prokurori i Barit, deklaroi se grupet kriminale shqiptare kanë arritur një rol lidershipi në territoret ku operojnë. Në përgjigje të Mara tha se grupet kriminale shqiptare kanë gjetur mbështetje tek elementët e krimit në Itali, duke bashkëpunuar, avancuar dhe modernizuar në kryerjen e veprave prenale.

Ndër të tjera, Prokurori i Posaçëm, Vladimir Mara vlerësoi bashkëpunimin me Antimafian e Barit, si model për bashkëpunimin me agjencitë ligjzbatuese në të gjitha shtetet.

“Hetimi ka qenë i përbashkët, në vazhdën e hetimeve që nga viti 2018 deri sot. Kjo është skuadra e gjashtë hetimore mes SPAK dhe Antimafias së Barit. Falë këtij bashkëpunimi janë aritur rezultate konktete. Kemi dokumentuar episode trafiku droge, epside të zhvendosjes së produktit të prodhuar nga grupi kriminal. Falë këtij hetimi është zbardhur dhe një vrasje në Itali. Ka qenë një bashkëpunim shumë i mirë. Kemi qenë dhe mbetemi bashkëpunues më të gjitha prokuroritë italianë dhe të gjithë agjencitë ligjzbatuese në të gjithë Evropën.

Elementët e krimit të organizuar shqiptar kanë gjetur një mbështetje të krimi këtu në Itali duke krijuar modele të caktuar, duke bashkëpunuar, avancuar dhe modernizuar në kryerjen e veprave prenale. Sot nuk mund të flasim për një kombësi të krimit, por mund të themi kemi fenomene kriminale dhe në këto kushte bashkëpunimi është i domosdoshëm. Ky bashkëpunim ka qenë një model për bashkëpunimet me të gjitha shtetet”, u shpreh Mara. /CNA





Lajmet e fundit nga