web counter
LEXO PA REKLAMA!

SHKARKO APP

App Store
Google Play

Projekti i madh i Gjergj Lucës/ Hap fabrikën gjigante në Arabinë Saudite

26 Shkurt 2024, 15:40, Aktualitet CNA
Projekti i madh i Gjergj Lucës/ Hap fabrikën gjigante në
Sipërmarrësi Gjergj Luca

Sipërmarrësi Gjergj Luca do të zgjerojë edhe më tepër investimet në fushën e peshkimit dhe kësaj radhe vjen me një projekt të madh.

Luca do të hapë fabrikën e parë të peshkimit në një nga portet më të rëndësishme në Arabinë Saudite.

Lajmin e ka bërë të ditur vetë biznesmeni përmes një interviste me gazetaren Bruna Kërçyku, ku tregoi se ka marrë dritën jeshile nga përfaqësuesit e Omanit.

Këta të fundit kanë lënë mbresë te sipërmarrësi për mënyrën e si kanë krijuar revolucion tek administrata e shtetit dhe frymën që kanë përcjellë te populli i tyre, ku në çdo fytyrë shihje fuqinë e liderit.

“Jam bërë pishman se si e kam vonuar për 15 vite atë vizitë. Kam bërë 2-3 vizita në Oman dhe jam i befasuar. Në këtë vizitë shkuam për të kurorëzuar të gjitha idetë tona që të përmbyllnim pjesën e hapjes së firmës dhe dakordësinë me qeverinë, me ministrin e Bujqësisë dhe na hapën dritat jeshile që ne të hapim fabrikën e parë në një nga portet më të rëndësishme të peshkimit.

Unë kam kohë që lëviz në Evropë me idetë e mia dhe kam njerëz përballë që nuk u lëviz asnjë muskul. Të flasësh me ata njerëz është ndryshe se përthithin idetë e tua, nuk të paragjykojnë, nuk u intereson se kush je, nga je, por u intereson mendimi.

I vuri vulën takimit që bëmë ditën e Xhumasë se e kishin pushim ditën e premte, që e kishin ditë të shenjtë. Erdhën në hotelin tim përfaqësuesit dhe personalitetet më të mëdha. Bëmë një plan pune, ku ne të përfshiheshim në Arabinë Saudite dhe të shihnim konvenencat e potecialit që ka Omani dhe marketet që ka Arabia Saudite.

Gjithë këtë revolucion të madh që e ndieja te shpirtrat njerëzorë, tek adminstrata e shtetit, atë frymë ia atribuoj një njeriu dhe një lideri që po bën një përmbysje në atë vend, Mohammed bir Salman Al Saud, të cilit emrin dhe energjinë e tij ia shihja në çdo vend që shkoja, në çdo njeri që përshëndesja dhe në çdo figurë që përfaqësonte shtetin. Kjo është fuqia e liderit”, theksoi ai./ CNA





Lajmet e fundit nga