web counter
LEXO PA REKLAMA!

SHKARKO APP

App Store
Google Play

E fundit!

x

Inceneratorët/ Tani përgjegjësinë e kanë Mirela Kumbaro dhe Veliaj

26 Shkurt 2024, 12:16, Aktualitet CNA

Inceneratorët/ Tani përgjegjësinë e kanë Mirela Kumbaro

Qeveria ka caktuar Ministrinë e Turizmit dhe Mjedisit si autoritetin përgjegjës për menaxhimin e mbetjeve.

Sipas "Kapitali.al", Ministria e Turizmit do të menaxhojë sektorin e mbetjeve, përfshi dhe ato që kanë nën administrim 3 kontratat koncesionare të inceneratorëve.

Menaxhim i mbetjeve mbetet një nga pikat më të nxheta të së cilës të gjithë duan t’i qëndrojnë larg.

Një vit më parë menaxhimi i tyre u la nga Ministria e Energjetikës dhe Infrastrukturës, tashmë ka kaluar në duart e Mirela Kumbaros.

Inceneratorët janë skema më e madhe korruptive e quajtur ndryshe afera e shekullit pasi janë marrë nga xhepat e shqiptarëve të varfër qindra miliona për një incenerator që nuk ka përfunduar, si ai i Fierit, të cilit i duhen dhe një investim me më shumë se 3 milionë euro për të përfunduar, për Elbasanin, i cili është një kazan me naftë që do 2 milionë euro në vit për t'u mirëmbajtur dhe nuk vihet në punë dhe mashtrimi më i madh është bërë në landfillin e Tiranës, pasi janë paguar zyrtarisht 130 milionë euro dhe incenerator nuk ka dhe Bashkia Tiranë thotë nuk dimë gjë.

Aty gjendja është katastrofike pasi kemi një mal me plehra dhe incenerator nuk ka dhe mbi të gjitha janë kaluar të gjitha kapacitetet ku mund të depozitohen mbetjet.

Për këtë aferë zyrtarë të Bashkisë Tiranë kanë përfunduar në pranga, si dhe një ish-ministër, një ish-sekretar i Përgjithshëm po ashtu dhe zyrtarë të tjerë që janë përlyer në korrupsion janë prapa hekurave.

Hetimet vijonë nga SPAK-u dhe pritet të dalin të tjerë përgjegjës për aferën korruptive qindra miliona euroshe./ CNA





Lajmet e fundit nga