web counter
LEXO PA REKLAMA!

SHKARKO APP

App Store
Google Play

U shfaq në protestën e 20 shkurtit/ Jorida Tabaku shpjegon arsyet

24 Shkurt 2024, 20:41, Aktualitet CNA
U shfaq në protestën e 20 shkurtit/ Jorida Tabaku shpjegon arsyet
Deputetja e PD-së, Jorida Tabaku

Deputetja e PD-së, Jorida Tabaku edhe pse nuk e përkrah dhe nuk është në grupin e ish-kryeministrit Sali Berisha, u shfaq në protestën e 20 shkurtit në boulevard kundër regjimit.

Gjatë një interviste, Tabaku ka shpjeguar arsyet pse u bë pjesë e protestës.

Deputetja tha se duke qenë në opozitës patjetër që duhet protestuar dhe ka shkuar në të gjithë protestat e opozitës.

“Ne jemi në opozitë dhe duhet patjetër që të protestojmë. Unë kam shkuar në të gjitha protestat e organizuara vitet e fundit.

Kam shkuar në protestën e parë në korrik të 2022, dhe në të gjitha të tjerat pasardhëse përveç asaj të 6 dhjetorit kur ka qenë samiti i liderëve të BE, pasi mendoja se nuk duhej të zhvillohej atë ditë protestë”, tha Tabaku.

Më tej sqaroi dhe pozicionin e saj, pse nuk është pjesë e grupit të Berishës. Ajo tha se ka diskutuar me kreun e grupit Gazment Bardhin dhe nuk ka asgjë të keqe që mendojnë ndryshe.

“Unë e kam diskutuar gjerësisht me zotin Bardhi, ne besoj jemi të gjithë të pjekur në politikë për të kuptuar që mendojmë ndryshe dhe s’ka asgjë të keqe.

I kemi provuar që të gjitha, të jemi pa mandate, te mos marrim pjesë në zgjedhje dhe s’keni luksin te përsërisim të njëjtat gabime.

Sot opozita së pari duhet të rikthehet në Parlament, se dyti duhet ti drejtohet njerëzve dhe së treti duhet të bëjë një analizë të thellë për atë që ndodhi në 14 maj dhe ofertën tonë si mund ta japim ndryshe.

Patjetër që PD duhet të jetë e bashkuar, por  kur kam folur për bashkim i jam referuar edhe bazës dhe njerëzve ne duhet t’ia sqarojmë gjithë këtë proces që po ndodh”, është shrehur deputetja./ CNA





Lajmet e fundit nga