web counter
LEXO PA REKLAMA!

SHKARKO APP

App Store
Google Play

E fundit!

x

Samiti për Ukrainën/ Ja rrugët që do të bllokohen më 28 dhe 29 shkurt

26 Shkurt 2024, 15:21, Aktualitet CNA

Samiti për Ukrainën/ Ja rrugët që do të bllokohen

Vetëm dy ditë na ndajnë nga Samiti për Ukrainën që do të mbahet në Tiranë.

Më 28 – 29 shkurt do të vijnë liderët e Ballkanit Perëndimor dhe të Evropës Juglindore. Policia e Shtetit ka nisur të marrë masa për mbarëvajtjen e këtij samiti.

Në kuadër të këtyre masave do të bllokohen disa nga rrugët kryesore.

Konkretisht do të bllokohen:

Rruga Rinas – Qafë Kashar dhe anasjelltas;

– Autostrada Tiranë - Vorë dhe anasjelltas;

– Unaza e Madhe, nga ish-sheshi “Shqiponja”, deri te rrethi i Sanatoriumit, dhe anasjelltas;

– Rruga e Elbasanit nga rrethi i Sanatoriumit deri tek ura e Elbasanit dhe anasjelltas.

-Gjithashtu, të gjitha rrugën që lidhin rrugën e Elbasanit, me rrugët “Papa Gjon Pali II”, “Dervish Hima”, “Asim Zeneli”, “Themistokli Gërmenji”, “Ismail Qemali”, “Mustafa Matohiti”, “Jul Variboba”, “Faik Konica”, “Fatmir Haxhiu”, “Gjeneral Nikols”, rrugën e Atjonit, “Sheh Ahmet Pazar”, si dhe të gjitha rrugët që lidhin bulevardin “Dëshmorët e Kombit” me rrugët “Ibrahim Rugova”, “Ukraina e lirë” dhe “Lek Dukagjini”, do të jenë të bllokuara.

Në këto segmente nuk do të lejohet parkimi i mjeteve dhe për këtë arsye do të njoftohen të gjithë banorët e zonës, për mosparkim të mjeteve në këto segmente.

Për drejtuesit e mjeteve që vijnë nga veriu, me destinacion aeroportin e Rinasit, rrugëkalimi do të bëhet nga aksi Fushë Prezë – Rinas;

-Për drejtuesit e mjeteve që vijnë nga Durrësi, me destinacion aeroportin e Rinasit, rrugëkalimi do të bëhet nga aksi Vorë- rruga e vjetër e Fushë Krujës;

– Për drejtuesit e mjeteve që vijnë nga juglindja, me destinacion aeroportin e Rinasit, rrugëkalimi do të bëhet nga aksi Elbasan – rrethrrotullimi TEG-ut - Unaza Lindore - Paskuqan - Kamëz - kryqëzimi i Valiasit - Rinas./ CNA





Lajmet e fundit nga