web counter
LEXO PA REKLAMA!

SHKARKO APP

App Store
Google Play

E fundit!

x

Policia e Tiranës refuzon lejen për protestën e opozitës

28 Shkurt 2026, 10:16, Aktualitet CNA

Policia e Tiranës ka njoftuar sot se ka refuzuar të japë leje për zhvillimin e protestës së opozitës këtë të shtunë.

Përmes një deklarate, bëhet me dije se për shkak të informacioneve të siguruara mbi mundësinë e përsëritjes së incidenteve të ndodhura gjatë tubimit të mëparshëm, i ka kthyer përgjigje subjektit politik Partia Demokratike e Shqipërisë se nuk merr përsipër garantimin e zhvillimit të tubimit.

“Përfaqësues të subjektit politik Partia Demokratike e Shqipërisë kanë njoftuar Policinë e Tiranës për zhvillimin e një tubimi, më datë 28.02.2026, në orën 18:00, para Kryeministrisë.

Nisur nga incidentet e ndodhura gjatë tubimit të mëparshëm, ku u evidentuan akte dhune dhe përdorim i mjeteve të rrezikshme ndaj punonjësve të Policisë, pjesëmarrja e personave të maskuar dhe përdorimi i të miturve në tubim, si dhe nga informacionet e siguruara mbi mundësinë e përsëritjes së veprimeve të tilla, Policia e Tiranës i ka kthyer përgjigje subjektit politik se nuk merr përsipër garantimin e zhvillimit të tubimit.

Pavarësisht përgjigjes së kthyer, Policia e Tiranës, në përmbushje të detyrave funksionale, ka marrë të gjitha masat për garantimin e rendit dhe sigurisë publike në qytetin e Tiranës, mbrojtjen e institucioneve shtetërore, si dhe për lëvizjen e lirë të automjeteve dhe qytetarëve, në rast se tubimi do të zhvillohet.

Policia e Tiranës apelon për qytetarët që, nëse ndeshen me veprime të dhunshme, të distancohen dhe të denoncojnë çdo paligjshmëri që konstatojnë”,-thuhet në njoftim./CNA





Lajmet e fundit nga