web counter
LEXO PA REKLAMA!

SHKARKO APP

App Store
Google Play

"Ndryshimet në qeveri, të pashpresa"/ Meta: Ramës i ka mbetur vetëm një lëvizje për të bërë

27 Shkurt 2026, 18:23, Aktualitet CNA

"Ndryshimet në qeveri, të pashpresa"/ Meta: Ramës i ka

Kryetari i Partisë së Lirisë, Ilir Meta ka dhënë një intervistë nga burgu ku ka komentuar edhe emërimet dhe shkarkimet e fundit në qeveri.

Në intervistën për Syri.net, Meta i cilësoi lëvizjet si “të dëshpëruara dhe të pashpresa”. Ai tha se kryeministrit i ka mbetur dhe një lëvizje për të bërë, që sipas tij është të japë dorëheqjen.

“Lëvizje dëshpëruese dhe të pashpresa. Qeveria Rama nuk ka më asnjë bazament politik dhe moral. Çdo premtim i bërë 13 vite më parë, sot është mashtrim i provuar dhe zhgënjim i pakthyeshëm. Edhe instalimi i frikës dhe dhunës si i vetmi mjet për të heshtur opozitën dhe nënshtruar qytetarët, nuk i bën më derman. Ramës i ka mbetur vetëm një lëvizje që të tregojë se nuk ka lajthitur pa kthim, që të dorëhiqet dhe të vetëdorëzohet te drejtësia e tij në fund të fundit”, tha Meta.

I pyetur lidhur me imunitetin e deputetes Belinda Balluku, kreu i PL-së tha se Rama po pengon drejtësinë.

“Nuk ka çështje Balluku, por vetëm çështje Rama. Fakti që Rama ja ka refuzuar tre herë dorëheqjen, tregon se problem është ai dhe penguesi i drejtësisë po ai. Fakti që është bërë edhe avokati publik i Mirlindës tregon se afera e AKSH-it është e Ramës dhe askujt tjetër", u shpreh ai.

Ish-presidenti foli më tej edhe për ndryshimet ligjore të propozuara nga kreu i qeverisë.

“Ato jo vetëm që do e kalonin çështjen e imunitetit në vitin 2012, pra 4 vite para se të bëhej Reforma, e cila solli rekomandimin për çeljen e negociatave, por do turpëronin edhe ata pak mbështetës ndërkombëtarë që për përfitimet e tyre kanë mbyllur sytë për dhunimin e shtetit të së drejtës, zgjedhjeve, parlamentarizmit, llogaridhënies dhe demokracisë në Shqipëri. Neni “mos më prek” që synon Rama e vetëshpall të pandehur botërisht”, tha Meta. /CNA





Lajmet e fundit nga