E fundit!

15:38 Aktualitet

Goditi protestuesin në Zvërnec/ Ndryshon masa e sigurisë për një nga punonjësit e sigurisë së kantierit

Gjykata e Apelit ka ndryshuar masën e sigurisë për një ng...

Lëvizjet në qeveri/ Këlliçi: Rënia dhe degradimi i Partisë Socialiste

27 Shkurt 2026, 18:09, Aktualitet CNA

Lëvizjet në qeveri/ Këlliçi: Rënia dhe degradimi i

Deputeti i Partisë Demokratike, Belind Këlliçi ka folur pasditen e sotme lidhur me ndryshimet e bëra në qeveri një ditë më parë.

Këlliçi u shpreh në një intervistë për Syri Tv, se emërimet e reja të kryeministrit Edi Rama janë sipas tij “të besuarit” e Belinda Ballukut, ndërsa shkarkimet “plotësimi i kërkesave” të saj.

Lidhur me emërimin e Albana Koçiut si zëvendëskryeministre, deputeti e cilësoi si një nga ministret më të dështuara. Gjithashtu më tej shtoi se kjo është rënia dhe degradimi i Partisë Socialiste.

“Por thelbi është ky, pra, Edi Rama sot është i marrë peng nga Belinda Balluku. Edi Rama, përveç se ka emëruar të besuarit e Ballukut në pozicionet e lëna vakante, sigurisht ka plotësuar dhe tekat e saj për të shkarkuar rivalët e saj dhe për t'i plotësuar dhe tekat politike. Pra, shkarkimi i Elisa Spiropalit tashmë është publik dhe dihet arsyeja. Arsyeja nuk është performanca e saj, për hir të vërtetës. Madje, mund t'ju them tjetrën, që ajo para dy javësh ka qenë në SHBA dhe mund të jetë i vetmi zyrtar i PS-së që ka patur takime në SHBA dhe për këtë arsye me sa duket u hoq. Sepse ju keni parë dhe Edi Ramën që nuk e pret as roja te porta e Departamentit Amerikan të Shtetit, nuk mundi dot ishte i vetmi përfaqësues në bordin e paqes që nuk pati një takim me asnjë zyrtar të Departamentit Amerikan të Shtetit, siç pati Vjosa Osmani apo liderë të ndryshëm edhe të vendeve shumë të vogla, por Edi Rama sigurisht nuk mund të afrohet në departamentin e shtetit.

Kështu që, thënë këtë, këto janë të gjitha ato arsye që ju keni parë dje një rishufle të atij kabineti që tashmë do të ketë zëvendëskryeministre Albana Koçiun, ministrin ndoshta më të dështuar të 34 vite pluralizëm në Shqipëri, ministrin e brendshëm. Nuk mbahet mend për asgjë. Pra, rënia dhe degradimi i Partisë Socialiste, apo i organizatës kriminale siç quhet tashmë rëndom në zhargonin popullor, Rilindja, se ajo nuk është më një forcë politike, por është një grup i strukturuar kriminal, ku të gjithë anëtarët e saj janë sot me dosje në Prokurorinë e Posaçme për korrupsion, vjen për shkak të degradimit tërësisht politik të kësaj force, dhe të vrasjes së sistemit të karrierës brenda kësaj force, të vrasjes së meritokracisë dhe të ngritjes së një sistemi thellësisht dhe kapilar korruptiv, të cilin e mban në këmbë Edi Rama”, tha Këlliçi. /CNA