web counter
LEXO PA REKLAMA!

SHKARKO APP

App Store
Google Play

Policia del me njoftimin e rëndësishëm/ Aplikacioni i lojërave që vjedh paratë në llogaritë bankare

17 Shtator 2024, 15:12, Aktualitet CNA
Policia del me njoftimin e rëndësishëm/ Aplikacioni i
Policia e Shtetit

Policia e Shtetit ka dalë me një njoftim të rëndësishëm për qytetarët.

Policia deklaron se në rrjetet sociale po reklamohen lojëra nëpërmjet të cilave fitohen para.

Sipas bluve, i tillë është edhe aplikacioni “PLINKO”, i cili përdoret kryesisht nga nxënësit.

Policia deklaron se ofruesit e lojërave kërkojnë numrat e llogarive bankare dhe me marrjen e këtyre të dhënave vjerdhin paratë në bankë.

Për këtë arsye, qytetarëve u kërkohet të tregohen të kujdesshëm dhe të mos japin të dhëna personale apo të llogarive bankare.

Policia del me njoftimin e rëndësishëm/ Aplikacioni i

“Apel për kujdes gjatë përdorimit të aplikacionit “PLINKO”

Kohët e fundit, në rrjetet sociale po reklamohen lojëra nëpërmjet të cilave fitohen para. 

Për ta bërë të besueshme, përdoren videot e njerëzve të famshëm që luajnë këtë lojë, gjë që në fakt është mashtrim.

Ofruesit e lojërave kërkojnë numrat e llogarive bankare. Kjo është një skemë për marrjen e të dhënave të llogarive bankare, nga të cilat mund t’iu merren shuma monetare. 

Nisur nga rastet e shtuara të përdorimit të këtij aplikacioni, kryesisht nga nxënësit, me qëllimin për të fituar para, Policia e Shtetit apelon për prindërit që të tregohen të kujdesshëm, për të mos lejuar fëmijët që të përdorin këtë aplikacion dhe në rastet kur ata e përdorin, të tregojnë kujdes, pasi duke dhënë të dhëna personale dhe të llogarive bankare, mund t’iu tërhiqen para nga llogaria juaj.  

Mos jepni të dhena personale!

Mos jepni të dhëna të llogarive bankare!”, thuhet në njoftim./ CNA





Lajmet e fundit nga