web counter
LEXO PA REKLAMA!

SHKARKO APP

App Store
Google Play

Përfundon etapa e parë Giro D’Italia/ Shpallet fituesi i garës

9 Maj 2025, 17:25, Aktualitet CNA

Përfundon etapa e parë Giro D’Italia/ Shpallet fituesi i

Etapa e parë e “Giro d’Italia” në territorin shqiptar është mbyllur me fitoren e çiklistit danez Mads Pedersen, pjesë e ekipit Lidl-Trek. Pedersen arriti të ruajë epërsinë në kilometrat e fundit të itinerarit, duke lënë pas në vendin e dytë belg Wout van Aert, i cili tentoi një rikuperim të vonuar, por pa sukses.

Gara nisi nga qyteti i Durrësit dhe përfundoi në Tiranë, me një gjatësi totale prej rreth 164 kilometrash. Pjesa e parë e itinerarit përfshinte një terren të sheshtë në segmentin fillestar prej 65 kilometrash, ndërkohë që pjesa e dytë u karakterizua nga ngjitje të konsiderueshme, fillimisht në Gracen, më pas në Surrel, ku pjerrësia arrinte deri në 13%, duke testuar seriozisht përgatitjen fizike të çiklistëve.

Etapa u karakterizua edhe nga një incident pranë finishit. Jay Vine pësoi një rrëzim në një nga kthesat e fundit të garës, duke përfunduar i dëmtuar në anë të rrugës. Në të njëjtin episod u përfshinë edhe çiklistët Mikel Landa dhe Geoffrey Bouchard, të cilët morën ndihmë të menjëhershme mjekësore në vendngjarje. Nuk raportohen dëmtime serioze, por pjesëmarrja e tyre në etapat e ardhshme do të varet nga gjendja shëndetësore.





Lajmet e fundit nga