web counter
LEXO PA REKLAMA!

SHKARKO APP

App Store
Google Play

E fundit!

x

Trafikoi 3.3 milionë euro drogë drejt Gjermanisë/ SPAK-u kërkon 17 vite burg për kokën e grupit

9 Maj 2025, 10:31, Aktualitet CNA

Trafikoi 3.3 milionë euro drogë drejt Gjermanisë/ SPAK-u

Prokuroria e Posaçme ka kërkuar dënimin me 17 vite burg për Islam Sefën, i dyshuar si financues dhe drejtues i trafikut të drogës në Gjermani, i cili kapte vlerën e 3.3 milionë eurove.

Sefa përfiton nga gjykimi i shkurtuar, që ia ul dënimin në 11.4 vite burg nëse dënohet nga GJKKO.

Sasia e lëndës narkotike sigurohej kryesisht nga Shqipëria dhe Spanja dhe pasi futej në territorin gjerman tregtohej në rajonin e Wolfsburg-ut, Magdeburg-ut, si edhe në shtete të tjera të Bashkimit Europian.

Nga hetimet ka rezultuar dhe është provuar se të pandehurit dhe bashkëpunëtorët e tyre gjatë viteve 2020-2021 kanë trafikuar në Gjermani, sasinë prej mëse 1000 kg lëndë narkotike e llojit marijuanë, vlera e së cilës arrin shumën e 3,374,400 (tre milionë e treqind e shtatëdhjetë mijë e katërqind) euro.

Islam Sefa, i dyshuar si koka e trafikut të drogës në Gjermani, u vu në praga më 2 korrik të vitit 2024, në një lokal në afërsi të SPAK-ut./ CNA





Lajmet e fundit nga