web counter
LEXO PA REKLAMA!

SHKARKO APP

App Store
Google Play

E fundit!

x

Dosja ‘Metamorfoza’/ GJKKO pranon gjykim të shkurtuar vetëm për 4 të akuzuar

7 Maj 2025, 16:31, Aktualitet CNA

Dosja ‘Metamorfoza’/ GJKKO pranon gjykim të shkurtuar

GJKKO ka vendosur sot të pranojë gjykim të shkurtuar për Xhevahir Litën, Ardit Hasanbegajn, Astmer Bilalin e Oltian Bistrin, duke bërë kështu ndarjen e çështjes në dosjen e njohur “Metamorfoza”.

Mësohet se GJKKO nuk pranoi gjykim të shkurtuar për 3 të përfshirët e tjerë: Pëllumb Gjokën, Edmond Prekën dhe Behar Brajoviç.

Më herët, të gjithë të akuzuarit nga dosja ‘Metamorfoza’ kishin kërkuar gjykim të shkurtuar për çështjen.

Biznesmeni Pëllumb Gjoka akuzohet për vrasjen e Gjin Ndojit në vitin 2020 si dhe për bashkëpunim në dy vrasje të tjera. Ndërsa ish-prokurori Xhevahir Lita dhe ish-shefi i Forcave Operacionale të Policisë, Oltion Bistri akuzohen për korrupsion dhe nxjerrje të sekretit.

Po ashtu të akuzuar për këtë çështje janë Astmer Bilali, Behar Bajri, Edmond Preka dhe ish-oficeri i policisë, Ardit Hasanbegaj.

Grupi u zbulua pas zbërthimit të mesazheve që atë kishin shkëmbyer në aplikacionet Encro Chat dhe SKY ECC. Grupit i janë sekuestruar edhe një sërë pasurish të paluajtshme, ndërsa disa bashkëpunëtorë të tyre janë ende në kërkim, mes të cilëve edhe Ervis Martinaj./CNA





Lajmet e fundit nga