web counter
LEXO PA REKLAMA!

SHKARKO APP

App Store
Google Play

E fundit!

x

“Këta janë çyrykët e kryeçyrykut”/ Gjunkshi padit në SPAK kryebashkiakun e Peshkopisë

6 Maj 2025, 10:29, Aktualitet CNA

“Këta janë çyrykët e kryeçyrykut”/

Kandidati për deputet i PD-së për Dibrën, Xhemal Gjunkshi, ka paditur në SPAK kryetarin e Bashkisë së Peshkopisë, Rrahim Spahiu.

Në daljen e tij nga Prokuroria e Posaçme, Gjunkshi tha se Spahiu po përdor administratën publike si dhe po ushtrohet presion në lidhje me ndihmën ekonomike që u jepet banorëve të Dibrës.

Gjunkshi u shpreh se administrata e Bashkisë së Peshkopisë janë çyrykët e kryeçyrykut, referuar deklaratave të Ramës që i quajti burrat e Dibrës çyrykë.

Për këtë, Gjunkshi deklaroi se Rama përgjigjen më të mirë do ta marrë më 11 maj nga dibranët.

“Po bëjnë gjithçka nëpërmjet përdorimit të administratës publike, presion i jashtëzakonshëm në lidhje me ndihmën ekonomike që po u jepet banorëve të Dibrës. Në të gjitha fshatrat që kam vajtur është dhënë 16 mijë lekë për 5 persona. Jam këtu për t’u thënë STOP drejtuesve vendorë. Për të mbështetur qytetarët, për rritjen e mirëqenies. Këta janë çyrykët e kryeçyrykut. I them kryeçyrykut Edi Rama që përgjigjen më të mirë nga qytetarët e Dibrës do ta marrësh më 11 maj.

Procedimi penal është regjistruar. Unë kam akoma fakte të tjera. Këta kanë guximin të vazhdojnë dhe bëjnë punime me ujësjellësin dhe shtrimin me asfalt. Kujtojnë se janë të paprekshëm. Përpara ligjit nuk ka as drejtues bashkie, që të bëjë rolin e kaubojsit dhe të ushtrojnë presion në mes të ditës”, tha Gjunkshi./ CNA





Lajmet e fundit nga