web counter
LEXO PA REKLAMA!

SHKARKO APP

App Store
Google Play

Operacioni i SPAK në Call Center/ Karamuço: U përdor karta magnetike për të hapur derën, zhvasnin miliona euro

20 Janar 2026, 22:00, Aktualitet CNA

Operacioni i SPAK në Call Center/ Karamuço: U përdor karta

Ekperti i kriminalistikës, Ervin Karamuço analizoi sot rastin e Call Center-ave në të cilat u krye operacioni i SPAK-ut.

I ftuar në emisionin “Now”, Karamuço tha se bëhet fjalë për një formulë të kopjuar për të zhvatur para, teksa u shpreh se bëhet fjalë për një biznes që siguron miliona euro.

Sipas ekspertit, biznese të tilla kanë struktura të tëra të fokusuara te siguria, që shërben në interes të punës.

“Call Center-at që bëjnë këto punë të paligjshme, e kanë që sapo administratori e sheh që dikush vjen për kontroll, të shtypë butonin e kuq dhe çdo gjë fshihet dhe fiket në të gjithë kompjuterat. Këtë synoi BKH-ja, që të arrestonte fillimisht punonjës të sigurisë ose punonjës të brendshëm që kishin kartën magentike pa i rënë ziles. Kanë arrestuar një person që ishte i armatosur kur i shkoi policia për arrest. I morën kartën dhe shkuan hapën derën. Call Center-i kishte një strukturë perimetrie për mbrojtjen e kullës që vëzhgonin makinat dhe civilët, duke bërë raportime të vazhdueshme për të siguruar mbarëvajtjen e punës. Ka disa operacione që SPAK-u i bën vetëm me BKH-në, pa dijeninë e Policisë. Tani po hetohet në dy pista. Janë operacione të njëpasnjëshme. Janë ofertues të vegjël, që kur rriteshin të ardhurat mundësonin më shumë. Kishin fitim me miliona euro. Janë fitimprurëse, por e kanë formulë të gatshëm të kopjuar”,-tha Karamuço./CNA





Lajmet e fundit nga