web counter
LEXO PA REKLAMA!

SHKARKO APP

E fundit!

x

Ndërprerja e energjisë elektrike në QSUT/ Flet shefi i Reanimacionit: Ja si u krye trajtimi i pacientëve

20 Janar 2026, 13:02, Aktualitet CNA

Ndërprerja e energjisë elektrike në QSUT/ Flet shefi i

Krenar Lilaj, shefi i Shërbimit të Anestezi-Reanimacionit në Qendrën Spitalore Universitare "Nënë Tereza", ka folur në një deklaratë për mediat lidhur me ndërprerjen e energjisë elektrike. Lilaj është shprehur se trajtimi i të sëmurëve vazhdoi normalisht.

Ai shtoi më tej se në momentin e ndërprerjes së energjisë, për të shmangur mosfunksionimin e disa aparatave respiratore, pacientët u transferuan në spitalin ngjitur. Gjatë transportit, sipas mjekut, u përdor respirator portativ.

“Trajtimi i të sëmurëve vazhdoi normalisht. Jo vetëm trajtimi i asistencës respiratore, por edhe trajtimi në vazhdim pasi këta të sëmurë mjekimin e marrin përmes aparateve që janë me 'back up'. Flitej për një defekt të rëndë dhe koha e rikthimit të energjisë ishte e pakonfirmuar. Në këto kushte për të shmangur mosfunksionimin e njëkohshëm të disa aparateve respiratore vendosëm kalimin e pacientëve në repartin e spitalit ngjitur, pra 20 metër më larg duke siguruar trajtimin në kushtet e reja. Vendosëm që të transferonim 10 të sëmurë, nga të cilët 9 ishin në respirator të drejtuar. Gjatë transportit u përdor respirator portativ”, tha Lilaj. /CNA





Lajmet e fundit nga