web counter
LEXO PA REKLAMA!

SHKARKO APP

App Store
Google Play

E fundit!

x

Ftesa për Bordin e Paqes/ Bushati: Pozitive, por Rama të mos u shesë shqiptarëve sapunin për djathë

19 Janar 2026, 21:53, Aktualitet CNA

Ftesa për Bordin e Paqes/ Bushati: Pozitive, por Rama të mos u

Analisti Andi Bushati komentoi sot ftesën e shumëpërfolur të presidentit amerikan Donald Trump ndaj kryeministrit Edi Rama për t’iu bashkuar në Bordin e Paqes.

I ftuar në “Syri Tv”, Bushati u shpreh kritik lidhur me qëndrimet që duhet të shfaqë në vijim Shqipëria lidhur me këtë rol, pasi sipas tij nevojitet kujdes në mënyrën sesi do të trajtohet.

Sipas analistit, kjo ftesë është pozitive, por mbi këtë rast shqiptarëve u duhet thënë vetëm e vërteta.

“Ftesa nuk ka asnjë gjë të jashtëzakonshme dhe asnjë gjë të keqe, ka pasur shumë teori konspirative që ftesa do i duhet Shqipërisë të paguajë 1 miliard dollarë, është një ftesë që do na sjelli refugjatë nga Palestina e tjerë e tjerë. Jo, nuk ka asnjë gjë të tillë. Në, në një kuptim është një ftesë normale.

Dhe 60 shefa shtetesh i ka vajtur me të njëjtin tekst, në të njëjtën datë, pa ndryshuar asnjë gjë. Duket e qartë që Donald Trump, i cili përveçse të na pajtojë ne edhe Azerbajxhanin e pastaj Izraelin e Palestinën, do dhe çmimin e paqes dhe për këtë do të mbledhi një kontorno sa më të mëdhaja shtetesh. Dhe Franca nuk mund të futet jo e përhershme, e kupton? Domethënë, po të shikosh, jo Franca, por se dolëm në temë tjetër. Jo Franca, por as Qipro nuk ka thënë po. Pra, edhe Qipro ka marrë ftesë, së bashku me Greqinë, po ende nuk ka thënë po.

Tani, se ç'bën Trumpi me partnerët e tij, është puna e tij. Problemi është që një gjë kaq e rëndomtë, kaq e zakonshme, kaq rutinore, erdhi u bë në Shqipëri për të thënë lideri ynë i një vendi të vogël që po e nderon Shqipërinë duke u bërë nderi i tryeza europiane.

Edhe Reuters, edhe AP-ja thonë se nuk ka numër të saktë. Unë prandaj, shumica e anëtarëve të OKB-së. Deri tani, e vetmja shifër që unë kam lexuar nga tre media relativisht prestigjioze, thotë 60. Mund të shkojë dhe deri në 100. Thonë. Po të shikosh dhe në përgënjeshtrimin që i bën Rama, nuk thotë numër, po thotë nuk do jenë të gjithë 190 vendet e OKB-së. Pra, është kaq e madhe. Tani, pse i bëhet kjo shplarje truri shqiptarëve? Pse ju shitet sapuni për djathë sipas modelit këtu do pajtohet Greqia me Turqinë dhe këtë rolin e ndërmjetësit do e luajë Rama. Rama që kur ishte Shqipëria kryesonte OSBE-në, do i vinte frena Putinit e Lavrovit. Pra, kemi atë kompleksin e Liliputit që do të shitet për të madh.

Për turp të Zotit gënjen. Dhe çfarë na del menjëherë pas gënjeshtrës? I njëjti tekst në të njëjtën datë i shkon Lukashenkos. I njëjti tekst të Vietnamit. Pra, domethënë, këtu nuk jemi as që jemi ndonjë faktor stabiliteti, as që jemi faktor demokracie. I ka shkuar të gjithëve. Në këtë kuptim, shyqyr që na ka ardhur dhe ne, s'ka asgjë të keqe që na ka ardhur, por jo për të shitur sapunin për djathë edhe për t'i trajtuar shqiptarët si dele. Dhe këtu nuk ka faj Rama që i gënjen, këtu kanë faj borizanët e Ramës që pranojnë të hyjnë të gjithë në rolin e mamicës dhe të shesin sapunin për djathë”,-tha Bushati./CNA





Lajmet e fundit nga